కృష్ణా నదికి రిటైనింగ్ వాల్ ఆలోచన టీడీపీదే
Andhra Pradesh Telugu | Suryaa Desk | Published : Fri, Apr 05, 2024, 02:50 PM
విజయవాడ తూర్పు నియోజకవర్గ అభివృద్ధి, రిటైనింగ్ వాల్ చొరవ, చంద్రబాబు కృషితో రిటైనింగ్ వాల్ సాధించింది తెలుగుదేశమే అని టీడీపీ అధికార ప్రతినిధి కొమ్మారెడ్డి పట్టాభిరామ్ చెప్పుకొచ్చారు. ప్రజల్ని దోచుకోవటం తప్ప అభివృద్ధి వైసీపీకి తెలీదన్నారు. ఒక్క ఇంటిని కూడా తొలగించకుండా మొదటి దశ నిర్మాణాన్ని తెలుగుదేశం పూర్తి చేసిందన్నారు. వైసీపీ రెండో దశ నిర్మాణంలో వందలాది ఇళ్లు తొలగించి ఎందరినో నిరాశ్రయుల్ని చేశారన్నారు. తెలుగుదేశం హయాంలోని మొదలుపెట్టారని సాక్షాత్తు అప్పటి మంత్రులు కొడాలి నాని, అనిల్ యాదవ్ చెప్పారన్నారు. దేవినేని అవినాష్ మాటల్ని నమ్మే పరిస్థితిలో విజయవాడ ప్రజలు లేరని తెలిపారు. రిటైనింగ్ వాల్ ఎవరు ప్రారంభించారు? ఎవరు హాయంలో నిధులు కేటాయించారు? అన్నది ప్రజలందరికీ తెలుసన్నారు. అబద్ధాలు చెప్పి ప్రజల్ని మోసం చేసి అధికారంలోకి రావాలని చూస్తున్నారని పట్టాభిరామ్ ఆగ్రహం వ్యక్తం చేశారు.
|
|