ఏపీలో మందుబాబుల ముందు జాగ్రత్త.. ఆ క్యూ లైన్లు ఏందయ్యా
Andhra Pradesh Telugu | Suryaa Desk | Published : Sun, May 12, 2024, 07:28 PM
ఆంధ్రప్రదేశ్ ఎన్నికల వేళ మద్యం షాపులు మూతపడ్డాయి. శనివారం సాయంత్రం నుంచి మద్యం షాపులు డోర్లు క్లోజ్ అయ్యాయి. పోలింగ్ ముగిసే వరకు ఈ షాపుల్ని తెరవరు. రెండు రోజుల పాటూ షాపులు తెరవరని తెలియడంతో మందబాబులు షాపుల దగ్గర బారులు తీరరారు. శనివారం సాయంత్రం వరకు లిక్కర్ షాపుల దగ్గర పెద్ద, పెద్ద క్యూ లైన్లు కనిపించాయి. రెండు రోజులకు సరిపడా మద్యం బాటిళ్లను కొనగోలు చేశారు.. ఒక్కొక్కరు నాలుగైదు బాటిళ్లు తీసుకెళుతూ కనిపించారు. విజయవాడ, నెల్లూరు, విశాఖ ఇలా పలు ప్రాంతాల్లో షాపుల దగ్గర శనివారం సాయంత్రం వరకు రద్దీ కనిపించింది. కొన్నిచోట్ల షాపు తెరవకముందే జనాలకు అక్కడికి చేరుకుని.. బారులు తీరారు.
రాష్ట్రవ్యాప్తంగా మద్యం షాపులు, బార్లు మూతపడనున్నాయని తెలియడంతో మద్యం ప్రియులు షాపులకు పోటెత్తారు. ఏపీలో మద్యం షాపులు శనివారం సాయంత్రం షాపులు మూతపడగా.. తిరిగి సోమవారం సాయంత్రం షాపులు తెరుచుకునే అవకాశం ఉందంటున్నారు. అప్పటి వరకు మందుబాబులకు కష్టాలు తప్పవు.. అయితే కొందరు ముందు జాగ్రత్తలు తీసుకుని మద్యాన్ని కొనుగోలు చేశారు. అటు తెలంగాణలో కూడా ఇదే పరిస్థితి.. అక్కడ పోలింగ్ ఉండటంతో మద్యం షాపులు మూతపడ్డాయి. మద్యం ప్రియులు ముందుగానే రెండు రోజులకు సరిపడా కొనుగోలు చేసి తీసుకెళ్లారు.
|
|