మోసాలకు పాల్పడుతున్న ముఠా అరెస్ట్

తెలంగాణకు చెందిన ఓ వ్యక్తికి తక్కువ ధరకు బంగారం ఇస్తామని నమ్మించి మోసం చేసిన ఘటనలో గుంటూరు జిల్లా తాడేపల్లి మహానాడు ప్రాంతానికి చెందిన ఎనిమిది మందిని భవానీపురం పోలీసులు అదుపులోకి తీసుకున్నట్లు సమాచారం. పోలీసుల విచార ణలో నిందితులు అనేక విష యాలను వెల్లడించారని సమాచారం. పోలీ సులు ఈ విషయాన్ని చాలా గోప్యంగా ఉంచినట్లు తెలుస్తోంది. వివరాల్లోకి వెళితే తెలంగాణలోని నల్గొండ జిల్లా మిర్యాలగూడ ప్రాంతానికి చెందిన ఓ వ్యక్తికి గుంటూరు జిల్లా తాడేపల్లి మహానాడు ప్రాంతానికి చెందిన ఓ ముఠా తక్కువ ధరకు ఎక్కువ బంగారం ఇస్తామనే ఒప్పం దం కుదుర్చుకుంది. ఆ ఒప్పందంలో భాగంగా శనివారం మిర్యాలగూడకు చెందిన వ్యక్తి కొందరితో కలిసి డబ్బులు తీసుకుని కారులో తాడేపల్లి ముఠా చెప్పి సూచనల మేరకు విజయవాడకు బయలుదేరాడు. ముఠాలో సభ్యులు ఎప్పటి కప్పుడు మిర్యా లగూడ నుంచి వచ్చే వ్యక్తికి ఫోన్‌ చేసి వివరాలు తెలుసుకుంటూనే ఉన్నారు. భవానీపురం పోలీస్‌ స్టేషన్‌ పరిధి గొల్లపూడి సమీపంలోని సూరాయపాలెం వద్ద ముఠా సభ్యులు వేచి చూశారు. అదే రోజు రాత్రి తాడేపల్లి ముఠా సభ్యులు ముందస్తు పథకం ప్రకారం మిర్యాలగూడ నుంచి వస్తున్న వ్యక్తి కారు వెనుక వెంబడించేలా తమ వారిని సిద్ధంగా ఉంచారు. సూరాయ పాలెం వద్దకు వచ్చాక తాడేపల్లి ముఠా సభ్యులు, మిర్యాలగూడ నుంచి వచ్చిన వ్యక్తి డబ్బులు, బంగారం ఇచ్చిపుచ్చుకుంటుండగా తాడేపల్లి ముఠాకు చెందిన వారు తెలుపురంగు కారుకు పోలీస్‌ స్టిక్కర్‌ అంటిం చుకుని వచ్చి సైరన్‌ కొట్టి హడావుడి చేయడంతో ముఠా సభ్యులు మిర్యాలగూడ వ్యక్తి వద్ద నుంచి పెద్ద మొత్తంలో డబ్బులు తీసుకుని పరారైనట్లు సమాచారం. దీంతో బాధితుడు భవానీపురం పోలీసులను ఆశ్రయించాడు. పోలీసులు విచారణ చేసి, ఎనిమిది మందిని అదుపులోకి తీసుకుని రహస్యంగా తమదైన శైలిలో విచారణ జరుపుతున్నట్టు తెలుస్తోంది. బాధితుడి నుంచి ఆ ముఠాసభ్యులు సుమారు రూ.5 లక్షలు తీసుకుని పరారయ్యారని సమాచారం.