బీసీ హాస్టల్ను తనిఖీ చేసిన అధికారి
Andhra Pradesh Telugu | Suryaa Desk | Published : Fri, Jul 05, 2024, 01:03 PM
అనంతపురం జిల్లా, గుమ్మఘట్ట మండల కేంద్రంలోని ప్రభుత్వ బీసీ బాలుర హాస్టల్ను జడ్పీ సీఈఓ మైకోం నిదియాదేవి గురువారం సాయంత్రం తనిఖీ చేశారు. ఈ సందర్భంగా అక్కడి మరుగుదొడ్లను పరిశీలించారు. భోజనం రుచికరంగా ఉంటుందా అని విద్యార్థులను అడిగి తెలుసుకున్నారు. కొన్నేళ్లుగా అద్దె భవనంలో అసౌకర్యాల నడుమ విద్యార్థులు ఇబ్బందులు ఎదుర్కొంటున్నారని స్థానిక ప్రజలు ఆమెకు ఫిర్యాదు చేశారు. తర్వాత ఆమె స్థానికంగా మరో అదనపు గదిని పరిశీలించి విద్యార్థులకు అసౌకర్యాలు కలగకుండా చూడాలని వార్డెన అరుణను ఆదేశించారు. కార్యక్రమంలో గుమ్మఘట్ట సర్పంచ విజయలక్ష్మి సదాశివ పాల్గొన్నారు.
|
|