రాజమహేంద్రవరం అడిషనల్‌ ఎస్పీ బదిలీ

ఎంతకాలం పని చేశామా అనేది కాదు.. ఎంత మంది అభిమానం సంపాదించానేదే ముఖ్యం. ఎస్పీ జగదీశ్‌ పది నెలలే జిల్లాలో ఉన్నా ఆయన సిబ్బందికి ఎంతో దగ్గరయ్యారు. అయితే ఇటీవల ఆయన బదిలీ కావడంతో మంగళవారం అడిషనల్‌ ఎస్పీ(పరిపాలన) ఎస్‌ఆర్‌ రాజశేఖర్‌రాజు ఆధ్వర్యంలో పోలీసు అధికారులు, సిబ్బంది ఆత్మీయ వీడ్కోలు పలికారు. రాజమహేంద్రవరం జిల్లా పోలీసు కార్యాలయం నుంచి బయటకు వస్తున్న సమయంలో ఆయనను పూలతో అలంకరించిన వాహనం ఎక్కించి అడిషనల్‌ ఎస్పీ, డీఎస్పీలతో సహా అందరూ తాడుతో లాగుతూ పూలవర్షం కురిపించి జేజేలు కొట్టారు. కిందిస్థాయి సిబ్బంది ఆయనను భుజాలపై ఎత్తుకొని అభిమానాన్ని చాటుకున్నారు. ఎస్పీ జగదీశ్‌ హోదాతో సంబంధం లేకుండా ప్రతి ఒక్కరినీ తమ కుటుంబ సభ్యుడి మాదిరిగా ఆదరించారని కొందరు భావోద్వేగంతో కన్నీరు పెట్టుకున్నారు. జిల్లాలోని వివిధ ప్రాంతాల నుంచి బాధితులు వ్యయ ప్రయాసలకోర్చి జిల్లా కేంద్రానికి రాకుండా పోలీస్‌ స్టేషన్లలో జూమ్‌ యాప్‌ని ఏర్పాటు చేసి ఆయా ప్రాంతాల నుంచే ఎస్పీకి సమస్య వివరించే విధానం తీసుకొచ్చార న్నారు. అర్జీలు ఇవ్వడానికి జిల్లా కార్యాల యానికి వచ్చే బాధితులు తిరిగి వెళ్లడానికి వాహనాన్ని ఏర్పాటు చేశారన్నారు. ఎస్పీ జగ దీశ్‌ మాట్లాడుతూ తాను బాధ్యతలు చేపట్టిన నాటి నుంచీ హోంగార్డు స్థాయి నుంచి ఉన్న తాధికారుల వరకూ పూర్తి సహకారం అందించార న్నారు. జిల్లాలో విధులు సంతృప్తినిచ్చాయన్నారు. అంతకుముందు పోలీసు శిక్షణ మైదానంలో అడి షనల్‌ ఎస్పీ(ఏఆర్‌) ఎల్‌.చెంచిరెడ్డి ఆధ్వర్యంలో సాయుధ బలగాలు కవాతు నిర్వహించాయి. రిజర్వు ఇన్‌స్పెక్టర్‌ చంద్రశేఖర్‌ పరేడ్‌ కమాండర్‌గా వ్యవహరించారు. కార్యక్రమంలో ఎస్‌బీ డీఎస్పీ డి.ప్రభాకర్‌, డీఎస్పీ లు, ఇన్‌స్పెక్టర్లు, ఎస్‌ఐలు, సిబ్బంది, పోలీస్‌ అసోసియేషన్‌ అధ్యక్షుడు ఆర్‌.రఘురాం, ఉపాధ్య క్షుడు జె.సాయి మహేశ్‌, సభ్యులు తదితరులు పాల్గొన్నారు.