ట్రెండింగ్
హాస్టళ్ల మరమ్మతులు చేయండి
Andhra Pradesh Telugu | Suryaa Desk | Published : Wed, Jul 17, 2024, 08:50 PM
రాజమహేంద్రవరం జిల్లాలోని అన్ని సంక్షేమ శాఖల వసతిగృహాల్లో సీఎస్ఆర్ నిధులతో మరమ్మతులు చేయించాలని కలెక్టర్ పి.ప్రశాంతి ఆదేశించారు. కలెక్టర్ క్యాంపు కార్యాలయ సమావేశ మందిరంలో మంగళవారం సంక్షేమశాఖల అధికారులతో సంక్షేమ వసతిగృహాల నిర్వహణపై దిశా నిర్దేశం చేశారు. జిల్లాలోని అన్ని సాంఘిక, గిరిజన, బీసీ సంక్షేమ వసతిగృహాల నిర్వహణ, మౌలిక సదుపాయాల విషయంలో ప్రత్యేక దృష్టిసారించాలన్నారు. వసతిగృహాల్లో తక్షణమే చేపట్టాల్సిన మరమ్మతులను గుర్తించి నివేదిక ఇవ్వాలన్నారు.జిల్లా సాంఘిక సంక్షేమ శాఖ అధికారి ఎం.సందీప్,జిల్లా గిరిజన సంక్షేమశాఖ అధికారిణి జ్యోతి, కొవ్వూరు బీసీ సంక్షేమ అధికారి కె.రామకృష్ణ పాల్గొన్నారు.
|
|