ట్రెండింగ్
అప్పుల భాధ తట్టుకోలేక కార్మికుడు ఆత్మహత్య
Andhra Pradesh Telugu | Suryaa Desk | Published : Mon, Jul 22, 2024, 10:17 PM
పెద్దవడుగూరు మండలంలోని కిష్టిపాడు గ్రామానికి చెందిన చేనేత కార్మికుడు చంద్రమోహన (37) అప్పుల బాధ భరించలేక ఆదివారం ఆత్మహత్య చేసుకున్నాడు. చంద్రమోహన పదేళ్లుగా మగ్గం నేస్తుండేవాడు. చేనేత వృత్తిలో నష్టాలు రావడంతో ఇల్లు గడిచేందుకు అప్పులు చేయాల్సి వచ్చింది. అవి రూ.6 లక్షలకు చేరాయి. వాటిని తీర్చేమార్గం కనిపించక తీవ్ర మనస్తాపం చెంది ఆదివారం మధ్యాహ్నం ఇంట్లోనే ఉరేసుకున్నాడు. కాసేపటికి చంద్రమోహన భార్య భాగ్య ఇంటికి తిరిగొచ్చి చూడగా.. భర్త ఉరికి వేలాడుతూ కనిపించాడు. ఆమె కేకలు వేయడంతో చుట్టుపక్కలవారు వచ్చి, చంద్రమోహనను కిందికి దించారు. అప్పటికే అతడు మరణించాడు. నేతన్నకు కుమార్తె, కుమారుడు ఉన్నారు. అతడి భార్య ఫిర్యాదు మేరకు కేసు నమోదు చేసుకున్నట్లు పెద్దవడుగూరు ఎస్ఐ రెడ్డెప్ప తెలిపారు.
|
|