ట్రెండింగ్
విజయవాడ కనకదుర్గ అమ్మవారికి పట్టువస్త్రాలు సమర్పించిన ముఖ్యమంత్రి చంద్రబాబు
Andhra Pradesh Telugu | Suryaa Desk | Published : Wed, Oct 09, 2024, 03:57 PM
ఇంద్రకీలాద్రిపై కనకదుర్గమ్మను సీఎం చంద్రబాబు తన కుటుంబ సభ్యులతో కలిసి దర్శించుకున్నారు. సతీమణి నారా భువనేశ్వరి, లోకేశ్‌, బ్రాహ్మణి, దేవాన్ష్‌తో కలిసి అమ్మవారి దర్శనం చేసుకున్నారు.చంద్రబాబు తలకు స్థానాచార్యులు శివప్రసాద్‌ శర్మ పరివేట్టం చుట్టగా.. పట్టువస్త్రాలు, సుమంగళ ద్రవ్యాలను తలపై ఉంచి సీఎం తీసుకెళ్లారు. దుర్గమ్మకు రాష్ట్ర ప్రభుత్వం తరఫున సీఎం పట్టువస్త్రాలు సమర్పించారు. అంతకుముందు ఆలయం వద్ద సీఎంకు ఆలయ అధికారులు స్వాగతం పలికి దర్శన ఏర్పాట్లు చేశారు. చంద్రబాబు తన కుటుంబ సభ్యులతో అంతరాలయంలో మొక్కులు చెల్లించుకున్నారు. ఈ సందర్భంగా డోనర్‌ సెల్‌ వివరాలను దేవదాయ శాఖ కమిషనర్‌, ఈవో సీఎంకు వివరించారు.
|
|