తిరుమలలో కడియం కొనుగోలు చేసిన హైదరాబాద్ భక్తుడు
Andhra Pradesh Telugu | Suryaa Desk | Published : Fri, Dec 06, 2024, 07:17 PM
తిరుమలలో తరచూ ఏదో అంశం వివాదాస్పదం అవుతోంది. అన్యమతాలకు సంబంధించి వీడియో, అన్యమతానికి సంబంధించిన వ్యాఖ్యానాలతో మరో కారు వ్యవహారం కలకలం రేపింది. తాజాగా మరోసారి అన్యమతం గుర్తు అంశం వివాదం అయ్యింది.. కొండిపై అన్యమతం గుర్తు, పేరు ఉన్న స్టీల్ కడియం అమ్మకంపై భక్తులు ఆగ్రహం వ్యక్తం చేశారు. ఓ భక్తుడు ఈ విషయాన్నిగమనించి టీటీడీకి ఫిర్యాదు చేయడంతో బయటపడింది.తిరుమలలోని సీఆర్వో ఆఫీస్ ఎదురుగా ఉన్న ఎస్ఎన్సీ (SNC) షెడ్డులో ఉన్న 3వ నంబర్ షాపులో కొనుగోలు చేసిన స్టీల్ కడియంపై అన్యమతానికి చెందిన గుర్తు ఉంది. హైదరాబాద్కు చెందిన శ్రీధర్ అనే భక్తుడు కుటుంబ సభ్యులతో కలిసి తిరుమల శ్రీవారిని దర్శించుకున్న తర్వాత మూడో నంబర్ షాపునకు వెళ్లారు. అక్కడ షాపులో స్టీల్ కడియాన్ని కొనుగోలు చేశారు. అక్కడి నుంచి వసతి గదికి వెళ్లిన తర్వాత స్టీల్ కడియంను గమనించి అవాక్కయ్యాడు. ఆ కడియంపై అన్యమతానికి సంబంధించిన గుర్తును గమనించాడు.తాను కొనుగోలు చేసిన స్టీల్ కడియంపై అన్యమతం గుర్తు, పేరు ఉండటంతో అవాక్కైన శ్రీధర్. ఈ విషయాన్ని టీటీడీ ఛైర్మన్ దృష్టికి తీసుకెళ్లగా.. ఆయన ఆదేశాలతో విజిలెన్స్, టాస్క్ ఫోర్స్ సిబ్బంది భక్తుడిని వెంట తీసుకెళ్లి మూడో నంబర్ షాపులో తనిఖీలు నిర్వహించారు. అక్కడ షాపును క్షుణ్ణంగా తనిఖీ చేసిన ఎస్టేట్ ఆఫీసర్ తాత్కాలికంగా మూసివేసి విచారణ చేపట్టారు.
|
|