థ్యాంక్యూ కళ్యాణ్ బాబాయ్.. పుష్ప 2 సక్సెస్ మీట్‌లో అల్లు అర్జున్
Andhra Pradesh Telugu | Suryaa Desk | Published : Sat, Dec 07, 2024, 10:35 PM
అల్లు కుటుంబానికి, మెగా ఫ్యామిలీకి దూరం పెరుగుతోందంటూ గత కొంతకాలంగా మీడియాలో ప్రచారం జరుగుతున్న సంగతి తెలిసిందే. పుష్ప 2 సినిమా రిలీజ్ సందర్భంగానూ మెగా వర్సెస్ అల్లు అర్జున్ ఫ్యాన్ వార్ జరిగింది. అయితే వాటికి ఫుల్ స్టాప్ పడే ఘటన పుష్ప 2 సక్సెస్ మీట్‌లో జరిగింది. ఈ కార్యక్రమంలో హీరో అల్లు అర్జున్ పాల్గొన్నారు. ఈ సందర్భంగా మాట్లాడిన అల్లు అర్జున్ ఏపీ డిప్యూటీ సీఎం పవన్ కళ్యాణ్‌కు ప్రత్యేక ధన్యవాదాలు తెలిపారు. పుష్ప 2 సినిమా టికెట్ రేట్ల పెంపునకు అనుమతించిన రెండు రాష్ట్రాల ముఖ్యమంత్రులకు, ప్రభుత్వాలకు ధన్యవాదాలు తెలిపిన అల్లు అర్జున్.. వ్యక్తిగతంగా పవన్ కళ్యాణ్ బాబాయ్‌కి థ్యాంక్స్ అంటూ చెప్పుకొచ్చారు. దీంతో ఆడిటోరియం మొత్తం అరుపులు, కేకలతో హోరెత్తింది. ఈ వీడియో నెట్టింట వైరల్ అవుతోంది. అలాగే తెలంగాణ సీఎం రేవంత్ రెడ్డి, ఏపీ సినిమాటోగ్రఫీ మంత్రి కందుల దుర్గేష్ పేర్లను అల్లు అర్దున్ మరిచిపోవడం కూాడా వైరల్ అవుతోంది.
|
|