అల్లు అర్జున్ అరెస్ట్ అన్యాయం - అంబటి రాంబాబు
Andhra Pradesh Telugu | Suryaa Desk | Published : Fri, Dec 13, 2024, 03:21 PM
సంధ్య థియేటర్ తొక్కిసలాట ఘటనలో పుష్ప హీరో అల్లు అర్జున్ను చిక్కడపల్లి పోలీసులు అరెస్ట్ చేశారు. జూబ్లీహిల్స్ నివాసం నుంచి చిక్కడపల్లి పీఎస్కు తరలించారు.షూటింగ్ రద్దు చేసుకున్న చిరంజీవి హుటాహుటిన చిక్కడపల్లి పీఎస్కు బయల్దేరారు. అల్లు అర్జున్ను వైద్య పరీక్షల కోసం గాంధీ ఆసుపత్రికి తరలించారు పోలీసులు. వైద్య పరీక్షల తర్వాత అల్లు అర్జున్ను నాంపల్లి కోర్టుకు తీసుకెళ్తారు. అల్లు అర్జున్ స్టేట్మెంట్ రికార్డు చేసిన పోలీసులు రిమాండ్కు తరలించేందుకు రిపోర్ట్ రెడీ చేశారు. అల్లు అర్జున్పై BNS 118, BNS 105 సెక్షన్ల కింద కేసులు నమోదయ్యాయి. నేరం రుజువైతే 105 సెక్షన్ కింద 5 నుంచి పదేళ్లు జైలు శిక్షపడే అవకాశం ఉంది. BNS 118 కింద ఏడాది నుంచి పదేళ్ల పాటు జైలు శిక్ష పడే అవకాశం ఉంటుంది. పోలీసులు ఒక్కసారిగా ఇంటికి రావడంతో అల్లు అర్జున్ భార్య స్నేహారెడ్డి భావోద్వేగానికి లోనయ్యారు. అయితే అల్లు అర్జున్ మాత్రం ఆమె భార్య భుజం తట్టి ధైర్యం చెప్పారు. అల్లు అర్జున్ను స్టేషన్కి తీసుకెళ్లేప్పుడు స్నేహారెడ్డి కన్నీరుపెట్టుకున్నారు. ఆమెను ఓదార్చారు బన్నీ,
అల్లు అర్జున్ అరెస్ట్పై, వైసీపీ సీనియర్ నేత.. మాజీ మంత్రి అంబటి రాంబాబు స్పందించారు. 'అల్లు అర్జున్ అరెస్ట్ అన్యాయం' అంటూ ఆయన Xలో ట్వీట్ చేశారు. పుష్ప-2 రిలీజ్ ముందు రిలీజ్ తర్వాత అల్లు అర్జున్కు మద్దతుగా వరుస ట్వీట్లు చేశారు అంబటి రాంబాబు. అల్లు అర్జున్ను ఎవరూ అణగదొక్కలేరని పేర్కొన్నారు.
|
|