ఉద్యోగం ఇప్పిస్తామంటూ ఆటో ఎక్కించారు.. ఆపై నడుస్తుండగానే దారుణం!

అమ్మాయి కనిపిస్తే చాలు కాటికి కాళ్లు చాపిన వాడు కూడా కామవాంఛతో పరుగులు పెడుతున్నాడు. చిన్న పిల్లల నుంచి పండు ముసలి వాళ్ల వరకు ఎవరినీ వదిలి పెట్టకుండా అత్యాచారాలకు పాల్పడుతున్నారు. పట్టపగలు, నడిరోడ్డు.. ఇలా ఎక్కడ పడితే అక్కడే అమ్మాయిలను ఆట బొమ్మలుగా మార్చి ఫుల్లుగా ఎంజాయ్ చేస్తున్నారు. తాజాగా ఇలాగే చేశారో ఇద్దరు యువకులు. ఉద్యోగం ఇప్పిస్తాం రమ్మని పిలుస్తూ.. యువతిని ఆటో ఎక్కించుకుని ఆపై ఆటోలోనే అత్యాచారానికి పాల్పడ్డారు. ఆ పూర్తి వివరాలు ఏంటో మనం ఇప్పుడు తెలుసుకుందాం.

కాన్పూర్‌లోని ఉన్నావ్ కొత్వాలి ప్రాంతానికి చెందిన ఓ 26 ఏళ్ల యువతి.. తల్లిదండ్రులను కోల్పోయింది. తోబుట్టువులు కూడా ఎవరూ లేకపోవడంతో ఒంటరిగానే జీవిస్తోంది. అయితే సదరు యువతికి తెలిసిన ఓ బంధువు ఛత్మారా గ్రామానికి చెందిన ఓ మహిళను పెళ్లి చేసుకున్నాడు. అక్కడే ఉంటున్నాడు. ఇలా అప్పుడప్పుడూ బాధిత యువతి ఆ గ్రామానికి వెళ్తుండేది. ఈక్రమంలోనే బంధువు స్నేహితులైన సూరజ్ కుష్వాహా, దీపక్ కుష్వాహాలు సదరు యువతికి పరిచయం అయ్యారు.

ప్రస్తుతం యువతి ఒంటరిగా ఉన్నట్లు ఆమె ద్వారానే తెలుసుకున్నారు సూరజ్, దీపక్‌లు. అలాగే తమకు తెలిసిన ఉద్యోగం ఇప్పిస్తామంటూ యువతిని నమ్మించారు. అప్పుడప్పుడూ ఫోన్లు కూడా చేస్తూ ఇదే విషయం చెప్పేవారు. వారి మాటలు నమ్మిన యువతి డిసెంబర్ 8వ రోజు తనకు పని ఇప్పించాలని చెప్పింది. అలా ఆరోజు ఉదయమే బాలికి ఇంటికి వచ్చి మరీ ఆమెను తీసుకెళ్లారు. ఉద్యోగం ఇప్పించిన వెంటనే తిరిగి ఇంటి వద్ద దింపుతామంటూ మాయ మాటలు చెప్పారు.

వారి మనసులో ఉన్న భావాన్ని గుర్తించలేకపోయిన ఆ యువతి.. వారితో ఆటోలో వెళ్లింది. అయితే ఎవరూ లేని ప్రాంతంలోకి చేరగానే పక్కనే ఉన్న నిందితుడు ఆమెపై అత్యాచారానికి పాల్పడ్డాడు. మరొక నిందితుడు ఆ సమయంలో ఆటో నడుపుతూనే ఉన్నాడు. ఆ తర్వాత డ్రైవర్ ఆమెపై అత్యాచారానికి పాల్పడగా.. ముందు అత్యాచారం వేసిన నిందితుడు ఆటో నడిపాడు. ఇలా సూరజ్, దీపక్‌లు ఇద్దరూ యువతిపై అత్యాచారానికి పాల్పడగా.. యువతి వారి నుంచి ఎలాగోలా తప్పించుకుంది. నేరుగా పోలీస్ స్టేషన్‌కు వెళ్లి పోలీసులకు ఫిర్యాదు చేసింది. కేసు నమోదు చేసుకున్న పోలీసులు దర్యాప్తు ప్రారంభించారు. ఛత్మారా గ్రామంలో ఉన్న నిందితులు సూరజ్, దీపక్‌లను పట్టుకుని అరెస్ట్ చేశారు. అంతే కాకుండా బాధిత యువతిని చికిత్స నిమిత్తం ఆస్పత్రిలో చేర్పించినట్లు పోలీసులు వెల్లడించారు.