బైక్ ఇప్పిస్తానంటూ బడి విద్యార్థిపై అత్యాచారం.. బీజేపీ రాష్ట్ర ఆర్థిక విభాగం అధినేత అరెస్ట్!

ఈమధ్య కాలంలో అత్యాచారాలు, హత్యలు, దోపిడీలు పెరిగిపోతున్నాయి. ముఖ్యంగా సామాన్య ప్రజలు ఇలాంటి కేసుల్లో ఇరుక్కుని అరెస్ట్ కావడం, జైలుకు వెళ్లడం వంటివి మనం చాలానే చూశాం. కానీ ఓ మంచి పదవిలో ఉండి.. పది మందికి బుద్ధులు నేర్పించాల్సిన ఓ పెద్ద మనిషి అతిదారుణంగా ప్రవర్తించాడు. లోకం తెలియని ఓ పసి పిల్లపై అత్యాచారానికి పాల్పడ్డాడు. ముఖ్యంగా ఆమెకు ద్విచక్రవాహనం ఇప్పిస్తానంటూ పలుమార్లు కామవాంఛ తీర్చుకున్నాడు. ఎట్టకేలకు విషయం తెలుసుకున్న బాలిక తండ్రి పోలీసులకు ఫిర్యాదు చేయగా.. ప్రస్తుతం జైలుకు వెళ్లాడు. అయితే ఆ పెద్ద మనిషి ఎవరుక, ఈ కేసు ఏంటో మనం ఇప్పుడు తెలుసుకుందాం.

మధురైకి చెందిన ఎమ్.ఎస్. షా.. తమిళనాడు బీజేపీ రాష్ట్ర ఆర్థిక విభాగం అధినేతగా పని చేస్తున్నారు. అలాగే ఆయన ఓ ప్రైవేటు కాలేజీని కూడా నడుపుతున్నారు. ఎంతో మంది విద్యార్థులకు మంచి భవిష్యత్తును అందించే బాధ్యత తీసుకున్న ఆయన.. ఓ బాలికపై అత్యాచారానికి పాల్పడ్డారు. ముఖ్యంగా మధురైకి చెందిన ఓ 15 ఏళ్ల బాలికపై మనసు పడ్డాడు. ఈక్రమంలోనే ఆమెకు ద్విచక్ర వాహనం ఇప్పిస్తానంటూ ఆశ పుట్టించి ఆపై ఆమెపై అత్యాచారానికి పాల్పడ్డాడు. బడికి వెళ్తున్నానని చెప్పిన బాలిక ఆయనతో పలుమార్లు గెస్టు హౌజుకు వెళ్లింది. అలా అతడి చేతిలో అత్యాచారానికి గురైంది. అయితే బాలిక వద్ద ఫోన్ ఉండగా.. ఎమ్.ఎస్ షా ఆమెతో టచ్‌లో ఉండేవాడు.

ఈక్రమంలోనే బాలిక తరచుగా.. అతడిని ద్విచక్ర వాహనం ఇప్పించమంటూ అడుగుతోంది. ఎప్పుడూ కూతురు ఫోన్ చూచడం, ఆమె కాస్త అనారోగ్యంగా ఉండడంతో అనుమానం వచ్చిన ఆమె తండ్రి ఆమె ఫోన్ చెక్ చేశాడు. ఈక్రమంలోనే బీజేపీ నాయకుడు ఎమ్.ఎస్ షాతో ఉన్న చాటింగ్ చూసి విస్తుపోయాడు. ఆ తర్వాత కూతురుని నిలదీయగా.. ఆమె జరిగిందంతా పూసగుచ్చినట్లు చెప్పింది.

అయితే ఇదంతా 2024లో జరగా.. మార్చి నెలలో మధరై సిటీ ఆల్ మహిళా పోలీస్ స్టేషన్‌లో బీజేపీ నాయకుడు ఎమ్.ఎస్ షాపై ఫిర్యాదు చేశాడు. పోక్సో చట్టం కింద కేసు నమోదు చేసుకున్న పోలీసులు దర్యాప్తు చేపట్టారు. ఈక్రమంలోనే ఈరోజు ఎమ్.ఎస్ షాను అరెస్ట్ చేశారు. ఆయన అరెస్టుతో రాష్ట్ర వ్యాప్తంగా సంచలనం రేగుతోంది. చిన్నారిపై అత్యాచారానికి పాల్పడిన అతడికి కఠిన శిక్ష పడేలా చేయాలని కొందరు కోరుతుండగా.. పెద్ద మనిషిగా చలామణి అవుతూ ఇంత దారుణానికి ఎలా పాల్పడ్డారో అర్థం కావట్లేదంటూ మరికొంత మంది ముక్కున వేలేసుకుంటున్నారు.