500 సిక్సులు, 10000 పరుగులు… గేల్ సరికొత్త రికార్డు
national | Suryaa Desk | Published : Thu, Feb 28, 2019, 06:52 PM
వెస్టిండీస్ చిచ్చర పిడుగు క్రిస్ గేల్ అంతర్జాతీయ క్రికెట్లో సరికొత్త రికార్డు నెలకొల్పాడు. ఇంగ్లాండ్తో బుధవారం జరిగిన నాలుగో వన్డేలో గేల్ ఆకాశమే హద్దుగా చెలరేగిపోయాడు. మొదట బ్యాటింగ్ చేసిన ఇంగ్లాండ్ 419 పరుగుల భారీ లక్ష్యాన్ని వెస్టిండిస్ ముందుంచింది. ఈ క్రమంలో బరిలోకి దిగిన క్రిష్ గేల్ చెలరేగి ఆడాడు. ఈ మ్యాచ్లో 97 బంతుల్లో 11 ఫోర్లు, 14 సిక్సర్లతో 162 పరుగులు సాధించాడు. వన్డేల్లో క్రిస్ గేల్కు ఇది 25వ సెంచరీ. ఈ క్రమంలో క్రిస్ గేల్ వన్డేల్లో వన్డేల్లో పదివేల పరుగుల మైలురాయిని అందుకున్నాడు. వన్డేల్లో పదివేల పరుగుల మైలురాయిని దాటిన 14వ బ్యాట్స్మెన్గా అరుదైన రికార్డు నెలకొల్పాడు. కాగా, వెస్టిండీస్ తరఫున ఈ ఘనత సాధించిన రెండో బ్యాట్స్మెన్గా గేల్ గుర్తింపు పొందాడు. అంతకముందు విండిస్ తరుపున వన్డేల్లో పది వేల పరుగుల మైలురాయిని బ్రియాన్ లారా అందుకున్నాడు. ఈ మ్యాచ్లో క్రిస్ గేల్ మొత్తం 14 సిక్సులు కొట్టాడు. దీంతో అంతర్జాతీయ క్రికెట్లో ఐదు వందలు సిక్సర్ కొట్టిన తొలి ఆటగాడిగా నిలిచాడు. ఈ సిరీస్ తొలి మ్యాచ్లో షాహిద్ ఆఫ్రిది (476 సిక్సర్లు) పేరుపై ఉన్న అత్యధిక సిక్సర్ల రికార్డును క్రిస్ గేల్ వెనక్కి నెట్టేశాడు. ఈ మ్యాచ్ లో క్రిస్ గేల్ అద్భుతంగా ఆడినప్పటికీ వెస్టిండీస్ విజయం సాధించలేకపోయింది.
|
|