రంగురంగుల కడియం నర్సరీ

ఉమ్మడి గోదావరి జిల్లాలు అంటేనే ప్రకృతి మారుపేరు అని చెప్పుకోవచ్చు.. అటువంటి గోదావరి జిల్లాలో రాజమండ్రి సమీపాన కడియం నర్సరీలు అనేవి అనేకమైనవి అని చెప్పుకోవచ్చు. వేలాదిమందికి ఉపాధి కల్పిస్తూ రాష్ట్రంలోనే కాదు దేశంలో ఎక్కడ లేని విధంగా అనేక రంగురంగుల విభిన్నమైన మొక్కలు చెట్లు విత్తనాలు కడియం నర్సరీలో ఉంటాయి అని చెప్పుకోవచ్చు.అయితే కొన్ని మాసాల్లో కొన్ని అరుదుగా దొరికే మొక్కలు కూడా ఈ కడియం నర్సరీలో మాత్రమే లభిస్తాయి. వాటిలో అరుదైన మొక్కే కోడిజుట్టు మొక్క అని పిలుస్తూ ఉంటారు. చూడటానికి అతిచిన్నగా ఉన్నప్పటికీ కోడి తలపై పొడవుగా ఏ విధంగా ఉంటుందో ఈ మొక్క పైభాగం అంత రంగు రంగులతో అతి పొడవుగా కనిపిస్తూ ఉంటుంది. ఎక్కువగా సినిమా షూటింగ్లో జరిగే ప్రాంతాలలో వెనుక భాగంలో చక్కని బ్యాక్ గ్రౌండ్ కోసం ఈ మొక్కలను ఉపయోగిస్తారు.తక్కువ ధరకే ఈ మొక్కలు అందుబాటులో ఉంటాయి. కేవలం 30 రూపాయలు ఒక్కొక్క మొక్క ఈ ప్రాంతంలో అమ్ముతూ ఉంటారు. అయితే ఇక్కడ నుంచి కొనుగోలు చేసి గ్రామీణ పట్టణాల్లో అమ్మేవారు మాత్రం ఒక్కొక్కటి 100 రూపాయలకు పైగా అమ్మకాలు నిర్వహిస్తారు. చూడటానికి రెండు కళ్ళు సరిపోవు అనే విధంగా ఈ మొక్క చూపర్లను రాజమండ్రి సమీపానగల కడియం లో ఆకర్షిస్తుంది.అయితే వీటిని ఎలా పెంచాలి అన్న విషయంపై మూడు నెలలు మాత్రమే దొరికే ఈ మొక్క ఏడాదంతా నివాసంలో మాత్రం సువాసన వెదజల్లుతూ తనదైన శైలిలో వచ్చేవారికి వెల్కమ్ చెప్పే విధంగా మొక్క ఉంటుందంటున్నారు నిర్వాహకులు. బంక మట్టి వాడాలని కాస్త మొక్కలకు నీళ్లు వేసేటప్పుడు ఆ నీళ్లు బయటకు పోయే విధంగా ఏర్పాట్లు చేసుకోవాలని తెలిపారు. నివాసం ముందు ఎంట్రీగా ఈ కోడి జుట్టు మొక్కలు పెట్టుకోవచ్చని అదేవిధంగా ప్లాస్టిక్ కుండీలో అమర్చుకుని నివాసం లోపల కూడా ఏర్పాటు చేసుకోవచ్చని పేర్కొంటున్నారు. అయితే ఇలాంటి మొక్కలు కూడా ఉంటాయా అన్నది రాష్ట్రంలోనే కాదు గోదావరి జిల్లాలో కూడా చాలామందికి తెలియకపోవచ్చు..కానీ కడియం వెళ్ళారా అబ్బా అని ఎంత ఉత్సాహంగా కొనుగోలు చేస్తున్నారు..ఇంకెందుకు ఆలస్యం రాజమండ్రి వచ్చారా అయితే కచ్చితంగా కడియం నర్సరీలకి వచ్చి ఈ మొక్కలను ఆస్వాదించండి.