మరుగుజ్జు గెలాక్సీలని గుర్తించిన పరిశోధకులు
Andhra Pradesh Telugu | Suryaa Desk | Published : Sat, Feb 22, 2025, 11:45 AM
అంతరిక్షంలో కృష్ణబిలాలకు ఆతిథ్యమిచ్చే మరగుజ్జు గెలాక్సీల అతిపెద్ద నమూనాను భారత్కు చెందిన పరిశోధకురాలు పుచ్చా రాగదీపిక గుర్తించారు. గుంటూరు జిల్లా తెనాలికి చెందిన రాగదీపిక అమెరికాలోని యూటా యూనివర్సిటీలో పీహెచ్డీ చేస్తున్నారు. ఈ నెల 19న ఆమె పరిశోధన వివరాలు ఆస్ట్రో ఫిజికల్ జర్నల్లో ప్రచురితమయ్యాయి. క్రియాశీల కృష్ణబిలాన్ని కలిగి ఉన్న ఇంటర్మీడియట్ మాస్ కృష్ణబిలం, మరుగుజ్జు గెలాక్సీల పెద్ద నమూనాలను రాగదీపిక నేతృత్వంలోని పరిశోధకుల బృందం గుర్తించింది. గెలాక్సీలో లోతైన అధ్యయనం చేసేందుకు ఆమె పరిశోధన దోహదపడనుంది. దీపిక నేతృత్వంలోని బృందం నాలుగు లక్షల గెలాక్సీల డేటాను పరిశీలించింది. పాలపుంతలో భారీ గెలాక్సీలు, వాటిలో బ్లాక్హోల్స్ను కనుగొనడం సవాల్గా ఉంది. వీటిపై మరింత అఽధ్యయనం చేసేందుకు తన పరిశోధన దారి చూపింది. దీపిక తల్లిదండ్రులు రాజగోపాల్, కనకదుర్గ తెనాలిలోని రామలింగేశ్వరపేటలో నివాసం ఉంటున్నారు. రాజగోపాల్ కేంద్ర ప్రభుత్వ ఉద్యోగిగా పని చేసి రిటైరయ్యారు.
|
|