ఉపవాస సమయంలో చిలగడదుంపల్ని తినడం వల్ల కలిగే లాభాలేంటి

​శివరాత్రి రాగానే చాలా మంది ఉపవాసం ఉంటారు. ఈ ఉపవాస టైమ్‌లో ఎక్కువగా పండ్లు, పాలు, చిలగడదుంపలు తింటారు. పండ్లు, పాలు సాధారణంగా ఆరోగ్యకరమే. అయితే, చిలగడదుంపలు ఈ టైమ్‌లో ఎక్కువగా తినడం సాధారణమైపోయింది. దీనికి కారణాలు లేకపోలేదు.

సాధారణంగా చిలగడదుంపల్లో ఎక్కువగా పోషకాలు ఫైబర్, విటమిన్స్ ఎ, సి, కాంప్లెక్స్ కార్బోహైడ్రెట్స్‌లు ఉంటాయి. వీటిని తినడం వల్ల చాలా సమయం వరకూ కడుపు నిండుగా ఉంటుంది. ఎక్కువగా ఆకలి వేయదు. ఇందులోని ఫైబర్ కంటెంట్ ఉండడం వల్ల చాలా మంచిది. దీని వల్ల కేలరీలు తీసుకోవడాన్ని తగ్గిస్తారు. ఈ కారణంగానే బ్లడ్ షుగర్ లెవల్స్ కూడా ఒక్కసారిగా పెరగవు.

ఆకలి కాకుండా

​చిలగడదుంపల్లో ఎక్కువగా ఫైబర్ ఉంటుంది. దీని వల్ల సరిగా జీర్ణమవుతుంది. అదే విధంగా, కడుపు నిండుగ ఫీలింగ్ ఉంటుంది. ఎక్కువసేపు ఆకలి కాకుండా ఉంటుంది. అందుకనే చాలా మంది ఉపవాసం సమయంలో చిలగడదుంపల్ని ఎక్కువగా తింటారు. ఇది ఆరోగ్యానికి చాలా మంచిది. గంటల కొద్దీ ఫుడ్ తీసుకోకపోయినా ఈ చిలగడదుంపల్ని తినడం వల్ల రోజుకి కావాల్సిన ఎనర్జీ అందుతుంది. దీనికి కారణం ఈ దుంపల్లో విటమిన్ బి6, సి, డి, ఐరన్, జింక్, మెగ్నీషియంలు ఉంటాయి.

కాంప్లెక్స్ కార్బోహైడ్రేట్స్

కొంతమంది స్వీట్స్ ఎక్కువగా తింటారు. అయితే, వాటి బదులు కాంప్లెక్స్ కార్బ్స్ ఎక్కువగా చిలగడదుంపల్ని తింటే ఎనర్జీ పెరుగుతుంది. దీని వల్ల నీరసంగా, అలసటగా అనిపించడం వంటివి జరగవు. లేదంటే ఈ చిలగడదుంపల్ని మనం స్వీట్స్‌లో వేసి వండుకోవచ్చు.

పోషకాలు ఎక్కువగా

చిలగడదుంపల్లో ఎక్కువగా ఎసెన్షియల్ విటమిన్స్ అంటే విటమిన్ ఎ, విటమిన్ సి, పొటాషియం‌లు ఉంటాయి. ఇవన్నీ కూడా ఫాస్టింగ్ టైమ్‌లో శరీరానికి చాలా ముఖ్యం. ఇందులో ఎక్కువగా ఫైబర్ ఉంటుంది. ఇది మెల్లిగా జీర్ణమవుతుంది. దీంతో త్వరగా ఆకలి కాదు.

గ్లైసెమిక్ ఇండెక్స్ తగ్గడం

చిలగడదుంపల్లోని చక్కెర శాతం రక్తంలోకి మెల్లిగా రిలీజ్ అవుతాయి. దీంతో ఒక్కసారిగా బ్లడ్ షుగర్ లెవల్స్ పెరగడం, ఇతర సమస్యలు రావు. వీటిని మనం క్యారెట్స్‌తో కలిపి తీసుకోవచ్చు.స్వీట్‌పొటాటో, క్యారెట్స్‌ని కలిపి పాన్‌లో కొద్దిగా నెయ్యి వేసి ఫ్రై చేయాలి. తర్వాత ఇందులో ఏదైనా ప్యూరీ వేసి ముక్కల్ని చక్కగా ఉడకనివ్వాలి. రాళ్ల ఉప్పు, మిరియాలు, జీలకర్ర పొడి వంటివి వేయడం మంచిది. దీంతో మంచి మసాలా ఫ్లేవర్ వస్తుంది. చివరల్లో కొద్దిగా నిమ్మరసం చల్లి తింటే చాలా బాగుంటుంది. ఇది రోటీ, పూరీల్లోకి చాలా బాగుంటుంది.

ఎలా తినొచ్చు

ఈ చిలగడదుంపల్ని మనం ఎలా అయినా తినొచ్చు. ఉడకబెట్టి, ఫ్రై చేసి, మాష్ చేసి సలాడ్, ఫ్రూట్ చాట్, ఖీర్, గ్రేటెడ్ స్వీట్ పొటాటోస్ ఇలా ఎన్నో రకాలుగా చేసుకుని తినొచ్చు. వీటి వల్ల చాలాసేపటివరకూ కడుపు నిండుగా ఉంటుంది.

ఇన్ని లాభాలున్నాయి. కాబట్టే, చాలా మంది ఉపవాసం సమయంలో ఎక్కువగా చిలగడదుంపల్ని తింటుంటారు. గమనిక:నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.