మహిళా రక్షణకు శక్తి యాప్ రూపొందిస్తున్నాం
Andhra Pradesh Telugu | Suryaa Desk | Published : Wed, Mar 05, 2025, 11:35 AM
ప్రభుత్వ పథకాలకు అర్హులైన వారిని ఎంపిక చేయాలని, వారికి సీఎం చేతుల మీదుగా యూనిట్ల మంజూరుకు సంబంధించిన చెక్కులు, మంజూరు పత్రాలు పంపిణీ చేయించేలా అధికారులు చర్యలు తీసుకోవాలని రాష్ట్ర హోం శాఖ మంత్రి వంగలపూడి అనిత తెలిపారు. రాష్ట్రంలో అంతర్జాతీయ మహిళా దినోత్సవం ఘనంగా నిర్వహించేలా ప్రభుత్వం చర్యలు తీసుకుంటోందన్నారు. అన్ని శాఖలకు సంబంధించి 15 స్టాళ్లు మాత్రమే ఏర్పాటు చేయాలని మంత్రి అనిత స్పష్టం చేశారు. మహిళా రక్షణకు శక్తి యాప్ రూపొందించామని, ఈ యాప్ ను మహిళా దినోత్సవం రోజున సీఎం చేతుల మీదుగా ఆవిష్కరించనున్నట్లు తెలిపారు. రాష్ట్ర స్థాయి కార్యక్రమంతో సమాంతరంగా జిల్లాలలోనూ మహిళా దినోత్సవాలు నిర్వహించేలా చర్యలు తీసుకోవాలని రాష్ట్ర స్త్రీ, శిశు సంక్షేమ శాఖ మంత్రి గుమ్మడి సంధ్యారాణి తెలిపారు. ఈ విషయమై జిల్లా స్థాయి అధికారులకు తక్షణమే సమాచారం అందించాలని ఆదేశించారు.
|
|