6నెలలకే పెట్టుబడి ట్రిపుల్.. ఇప్పుడు 1 షేరుకు 10 షేర్లు ఫ్రీ

స్మాల్ క్యాప్ కేటగిరి, ఫార్మా సెక్టార్ కంపెనీ శుక్రా ఫార్మాస్యూటికల్స్ లిమిటెడ్ తమ వాటాదారులకు బంపర్ ఆఫర్ అందించింది. ఇటీవల జరిగిన కంపెనీ బోర్డు ఆఫ్ డైరెక్టర్ల సమావేశంలో స్టాక్ స్ప్లిట్ చేపట్టేందుకు ఆమోదం లభించినట్లు కంపెనీ వెల్లడించింది. ఈ స్టాక్ స్ప్లిట్‌కి సంబంధించిన రికార్డు తేదీని సైతం నిర్ణయించింది. మరోవైపు ఈ కంపెనీ షేరు గత 6 నెలల్లోనే ఏకంగా 278 శాతం లాభాన్ని అందించి మల్టీబ్యాగర్ స్టాక్స్‌లో ఒకటిగా నిలిచింది. స్టాక్ స్ప్లిట్ తర్వాత రూ. 250 ల వద్ద ఉన్న షేర్ ధర రూ. 25 ల స్థాయికి తగ్గనుంది.

కంపెనీ ఎక్స్చేంజ్ ఫైలింగ్ ప్రకారం.. ఇటీవల జరిగిన కంపెనీ బోర్డు డైరెక్టర్ల సమావేశంలో 1:10 రేషియోలో స్టాక్ స్ప్లిట్ ఆమోదం తెలుపారు. అంటే రూ. 10 ఫేస్ వ్యాల్యూ గల ఒక ఈక్విటీ షేరుని రూ. 1 ఫేస్ వ్యాల్యూ ఉండే 10 షేర్లుగా మార్చనుంది. డైరెక్టర్ల బోర్డు ఆమోదం తెలిపింది. ఈ స్టాక్ స్ప్లిట్ సంబంధించిన అర్హులైన వాటాదారులను నిర్ణయించేందుకు అవసరమైన రికార్డు తేదీని మార్చి 21, 2025గా బోర్డు ఆఫ్ డైరెక్టర్లు నిర్ణయించినట్లు కంపెనీ తెలిపింది. ఈ తేదీలోపు షేర్లు కొనుగోలు చేసిన వారికి 1 షేరు 10 షేర్లు మారతాయి. స్టాక్ ధర సైతం తగ్గుతుంది.

స్టాక్ మార్కెట్ చివరి ట్రేడింగ్ సెషన్‌లో శుక్రా ఫార్మాస్యూటికల్స్ షేరు ధర 2 శాతం నష్టంతో లోయర్ సర్క్యూట్ తాకింది. చివరకు రూ. 236.40 వద్ద స్థిరపడింది. ఈ షేరు 52 వారాల గరిష్ఠ ధర రూ. 271.50 వద్ద ఉండగా.. కనిష్ఠ ధర రూ. 57.52 వద్ద ఉంది. గత వారంలో ఈ షేరు 2 శాతం నష్టపోయింది. గత నెల రోజుల్లో ఈ షేరు 10 శాతం లాభాన్ని అందించింది. గత ఆరు నెలల్లో సుమారు 278 శాతం లాభాన్ని అందించింది. పెట్టుబడిని మూడింతలకుపైగా చేసింది. గత ఏడాది కాలంలో ఈ షేరు 183 శాతం లాభాన్ని ఇచ్చింది. ఇక గత ఐదు సంవత్సరాలలో 9134 శాతం లాభాన్ని అందించింది. ప్రస్తుతం ఈ కంపెనీ మార్కెట్ విలువ రూ. 1040 కోట్ల వద్ద ఉంది.

దేశంలోని ప్రముఖ ఫార్మా కంపెనీల్ శుక్రా ఫార్మస్యూటికల్స్ లిమిటెడ్ ఒకటి. ఈ కంపెనీని గతంలో రెలిష్ ఫార్మాస్యూటికల్స్ లిమిటెడ్‌గా పిలిచేవారు. 1993వ సంవత్సరంలో ప్రారంభించారు. ప్రస్తుతం ఈ కంపెనీ అహ్మదాబాద్ కేంద్రంగా కార్యాకలాపాలు నిర్వహిస్తోంది.