ఆడవారిలో ప్రాణాంతకరంగా మారుతున్న సైలెంట్ హార్ట్ ప్రాబ్లమ్స్

గుండె సమస్యలు, ముఖ్యంగా కరోనరి ఆర్టరీ సమస్యలు మగవారికే వస్తాయని అనుకుంటారు. అయితే, మెనోపాజ్ తర్వాత ఈ సమస్య ఆడవారిలోనూ పెరుగుతుంది. వాస్తవానికి ఆడవారికి గుండె సమస్యలు వచ్చే ముందు ఎలాంటి లక్షణాలు కనిపించవు. దీని వల్ల ట్రీట్‌మెంట్ తీసుకునే అవకాశం తక్కువగా ఉంటుందని డేటా చెబుతోంది. దీనికి కారణాలు ఇతర

లక్షణాలు

సాధారణంగా ఆడవారికి గుండె సమస్యలు వచ్చేటప్పుడు లక్షణాలలో సాధారణ ఛాతీ నొప్పి కంటే శ్వాస తీసుకోవడంలో ఇబ్బందులు, అలసట, ఎక్కువగా చెమట, ఉబ్బరం వంటి లక్సణాలు ఉంటాయి. వీటిని గుండె సమస్యలు కాకుండా ఇతర సమస్యలు అనుకుంటారు. దీంతో వీటిని హెల్త్‌కేర్ ప్రొవైడర్స్ కూడా అంతగా పట్టించుకోకుండా లేట్ చేస్తుంటారు. అంతేకాకుండా దీనికి నివారణ ఏంటి అని తెలుసుకోవడం, షుగర్ వంటి సమస్యల గురించి తెలుసుకోవడం కూడా ఆడవారు చేయరు.

ఆడవారికి వచ్చే సమస్యలు

రుమాటిక్ వాల్యులర్ గుండె సమస్యలు

ప్రసవానంతర కార్డియోమయోపతి

ప్రైమరీ పల్మనరీ హైపర్‌టెన్షన్

సిస్టమిక్ ఎరిథెమాటోసస్

వంటి సమస్యలు మగవారికంటే ఆడవారికే ఎక్కువగా వస్తాయి.

ప్రమాద కారణాలు

ఊబకాయం, హైబీపి, కొలెస్ట్రాల్ ఎక్కువగా ఉండడం వల్లే మగవారు, ఆడవారిలో గుండె సమస్యలకి కారణాలు. అయితే, ఆడవారిలో మరికొన్ని కారణాలు కూడా ఉంటాయి. వీటి వల్లే వారిలో ఎక్కువ సమస్యలు వస్తాయి. ఉదాహారణకం స్మోకింగ్ మగవారికంటే ఆడవారిలో ఎక్కువ ప్రమాదకారకం. అదే విధంగా, ఎక్సర్‌సైజ్ చేయకపోవడం, ఇక మగవారితో పోలిస్తే ఆడవారిలో ఒత్తిడి, డిప్రెషన్ కూడా హార్ట్ హెల్త్‌పై ఎఫెక్ట్ చూపిస్తుంది. షుగర్ ఉన్న మగవారి కంటే ఆడవారికే గుండె సమస్యలు వచ్చే అవకాశం ఎక్కువగా ఉండడమే కాకుండా సైలెంట్ హార్ట్ ప్రాబ్లమ్ వచ్చే అవకాశం ఉంటుంది. అదే కాకుండా ప్రెగ్నెన్సీ టైమ్‌లో హైబీపి, షుగర్ వంటి సమస్యలు కూడా ప్రమాదాన్ని పెంచుతాయి. ఇదే కాకుండా కుటుంబంలో ఎవరికైనా ఉన్నా ఆ జన్యు కారణాల వల్ల సమస్య వచ్చే అవకాశం ఉంది. కాబట్టి, గుండెని కాపాడుకోవాలి.

తీసుకోవాల్సిన జాగ్రత్తలు

ఇలాంటి సమస్యలు రాకుండా ముందుగానే జాగ్రత్తలు తీసుకోవడం చాలా ముఖ్యం. దీంతో గుండె జబ్బులు వచ్చే ప్రమాదాన్ని తగ్గించుకోవచ్చు. దీనికోసం ఏం చేయాలంటే

స్మోకింగ్, పొగాకుని తగ్గించాలి. ఎందుకంటే ఇవి రక్తనాళాలను దెబ్బతీసి, గుండె జబ్బుల ప్రమాదాన్ని పెంచుతాయి. దీనికోసం మీరు నిపుణుల సాయం కూడా తీసుకోవచ్చు.పోషకాహారం తినాలి. హోల్‌గ్రెయిన్స్, పండ్లు, కూరగాయలు, లో ఫ్యాట్ డెయిరీ ప్రోడక్ట్స్, లీన్ ప్రోటీన్స్ తీసుకోవాలి. ఉప్పు, చక్కెర, అన్‌హెల్దీ ఫ్యాట్స్‌ని తగ్గించాలి. మంచి లైఫ్‌స్టైల్ ఫాలో అవ్వాలి. రెగ్యులర్‌ వర్కౌట్ చేయాలి. సరైన బరువు ఉండేలా చూడండి.

ఒత్తిడిని తగ్గించుకోవాలి.

దీనికోసం మెడిటేషన్ చేయాలి. ఆల్కహాల్ తగ్గించాలి.

మొత్తంగా

మంచి లైఫ్‌స్టైల్ ఫాలో అవుతూ సరైన మెడికేషన్ తీసుకుంటూ బీపి, బ్లడ్ షుగర్, కొలెస్ట్రాల్‌ లెవల్స్‌ని సరిగా మెంటెయిన్ చేస్తేగుండె ఆరోగ్యాన్ని కాపాడుకోవచ్చు. అదే విధంగా, మంచి నిద్ర కూడా ముఖ్యమే. కాబట్టి, రోజుకి కనీసం 7 నుంచి 9 గంటలు నిద్ర ఉండేలా చూసుకుంటే గుండె సమస్యల్ని తగ్గించుకోవచ్చు. ​గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.