పుచ్చకాయను కొన్ని ఫుడ్స్‌తో కలిపి తినొద్దు,,,, ఎన్నో సమస్యలు వస్తాయి

వేసవి కాలం వచ్చేసింది. ఈ సీజన్‌లో పుచ్చకాయను ఎక్కువగా తింటారు. పుచ్చకాయల దాదాపు 90 శాతం నీటితో నిండి ఉంటుంది. ఇది వేసవిలో శరీరాన్ని హైడ్రేట్‌గా ఉంచుతుంది. ఇప్పటికే మార్కెట్లో పుచ్చకాయలు విరివిగా లభిస్తున్నాయి.. పుచ్చకాయలో విటమిన్‌ A, B కాంప్లెక్స్‌, C, పొటాషియం మీ చర్మానికి పోషణ అందిస్తాయి. వీటితో పాటు.. పుచ్చకాయలోని లైకోపీన్‌, బీటా - కెరోటిన్‌ వంటి యాంటీఆక్సిడెంట్లు ఉంటాయి.

ఇవి ఆరోగ్యానికి ఎంతో మేలు చేస్తాయి. ఎండాకాలంలో డీహైడ్రేట్ అవ్వకుండా పుచ్చకాయ కాపాడుతుంది. అయితే, పుచ్చకాయ తినేటప్పుడు చాలా జాగ్రత్తగా ఉండాలి. పుచ్చకాయతో పాటు కొన్ని ఫుడ్స్ కలిపి తినకూడదు. అంతేకాకుండా పుచ్చకాయ తిన్న వెంటనే వీటిని తినకూడదు. పుచ్చకాయతో కలిపి తింటే ఆరోగ్యానికి హాని కలుగుతుంది. ఇంతకీ ఆ పుడ్స్ ఏంటో ఇక్కడ తెలుసుకుందాం.

పాలు

​పుచ్చకాయ తిన్న తర్వాత పొరపాటున కూడా పాలు తాగకూడదంటున్నారు నిపుణులు. ఇది మీ ఆరోగ్యానికి హానికరం. . నిజానికి, పుచ్చకాయలో విటమిన్ సి ఉంటుంది. అది పాల ఉత్పత్తులతో చర్య జరిపి ఉబ్బరానికి కారణమవుతుంది. అందువల్ల, పుచ్చకాయతో కలిపి లేదా తిన్న తర్వాత పాలు జోలికి పోకూడదు. ఈ ఫుడ్స్ కాంబినేషన్ అజీర్ణం, ఉబ్బరం వంటి సమస్యల్ని కలిగిస్తాయి. అందుకే దూరంగా ఉండండి.

అధిక ప్రోటీన్ ఆహారాలు

​పుచ్చకాయ తినేటప్పుడు అధిక ప్రోటీన్ ఆహారాలకు దూరంగా ఉండాలని వైద్యులు సలహా ఇస్తున్నారు . పుచ్చకాయలో విటమిన్లు, పోషకాలతో పాటు కొద్ది మొత్తంలో స్టార్చ్ కూడా ఉంటుందని నిపుణులు చెబుతున్నారు. ఇలాంటి పరిస్థితుల్లో ప్రోటీన్ అధికంగా ఉండే ఆహారాలు తినడం వల్ల జీర్ణవ్యవస్థకు హాని కలుగుతుంది. అందుకే పుచ్చకాయతో కలిపి అధిక ప్రోటీన్ ఉండే ఆహారాల్ని తినడం మానుకోండి.

గుడ్డు

గుడ్డు, పుచ్చకాయ రెండూ వేర్వేరు ప్రభావాలను కలిగి ఉంటాయి. అందుకే ఈ రెండింటిని కలిపి తినకూడదు. ఈ రెండింటి కలయిక వల్ల ఉబ్బరం, మలబద్ధకం, గ్యాస్ వంటి సమస్యలు వస్తాయి. ఈ రెండూ ఒకదానికొకటి జీర్ణం కాకుండా నిరోధిస్తాయి. ఎందుకంటే గుడ్లలో ఒమేగా-3, ప్రోటీన్లు వంటి కొవ్వు ఆమ్లాలు ఉంటాయి. పుచ్చకాయలో నీటి శాతం అధికంగా ఉంటుంది.

ఉప్పు

పుచ్చకాయ తిన్న తర్వాత లేదా దాని రుచిని పెంచడానికి ఉప్పుతో కలిపి తింటే అది మీ ఆరోగ్యానికి హాని కలిగిస్తుంది. ఇలా చేయడం వల్ల, పుచ్చకాయలోని పోషకాలు శరీరంలోకి శోషించబడవు. దీంతో, రక్తపోటు అదుపు తప్పే ప్రమాదముంది. బిపీలో హెచ్చుతగ్గులు ఉంటాయంటున్నారు ఎక్స్‌పర్ట్స్.

రాత్రి పూట తినకండి

పుచ్చకాయ చల్లని స్వభావం కలిగి ఉంటుంది. అయితే, రాత్రి పూట తినకూడదంటున్నారు నిపుణులు. రాత్రి పూట జీర్ణక్రియ మందగిస్తుంది. పుచ్చకాయలో నీటి శాతం ఎక్కువగా ఉంటుంది. దీంతో, కడుపులో అసౌకర్యం కలిగే అవకాశం ఉంది. పుచ్చకాయలో 92 శాతం నీరు ఉంటుంది. రాత్రి పూట తినడం వల్ల తరచుగా మూత్ర విసర్జనకు వెళ్లాల్సి వస్తుంది. దీంతో మీ నిద్ర పాడయ్యే అవకాశం ఉంది.

ఫ్రిజ్‌లో పెట్టి తింటే డేంజర్

చాలా మంది పుచ్చకాయను తెచ్చుకున్న తర్వాత కట్ చేసి కొంత భాగం తింటారు. మరి కొంత భాగాన్ని ఫ్రిజ్‌లో పెడతారు. ఆ తర్వాత తినాలనిపించినప్పుడు మిగిలిన భాగాన్ని తింటారు. మీకు కూడా ఈ అలవాటు ఉంటే వెంటేనే మానేయండి. ఇలాంటి పుచ్చకాయ తినడానికి రుచిగా, చల్లగా ఉంటుంది. అయితే, ఆరోగ్యానికి ఎంతో హాని చేస్తుందంటున్నారు డాక్టర్ మీనాక్షి జైన్. ఆమె ప్రకారం ఫ్రిజ్‌లో పెట్టిన పుచ్చకాయలో పోషకాలు తగ్గిపోతాయి. అంతేకాకుండా ఎన్నో అనారోగ్య సమస్యలు ఎదుర్కోనే ప్రమాదముంది.