రంజాన్, ఉగాది పండగలు.. బ్యాంకులకు వరుస సెలవులు

సాధారణంగా బ్యాంకులకు ఆదివారం సెలవు ఉంటుంది. ఇంకా ప్రతి నెలలో రెండో, నాలుగో శనివారాలు కూడా హాలిడేనే. ఇవే కాకుండా.. రిజర్వ్ బ్యాంక్ ఆఫ్ ఇండియా  జాతీయ సెలవుల సందర్భంగా కూడా బ్యాంకులకు సెలవు ఇస్తుంది. ఇందులో గాంధీ జయంతి, ఇండిపెండెన్స్ డే, రిపబ్లిక్ డే వంటివి ఉంటాయి. వీటితో పాటు.. ప్రాంతీయ సెలవులు కూడా ఉంటాయి. ఆయా ప్రాంతాల్లో పండగల్ని బట్టి.. ఇక్కడ ఆర్బీఐ సెలవుల్ని ఖరారు చేస్తుంటుంది. అంటే ఇక్కడ సెలవులు ప్రాంతాల్ని బట్టి మారుతుంటాయని చెప్పొచ్చు. ఈ క్రమంలోనే ఇప్పుడు కూడా వరుస సెలవులు వస్తున్నాయి. ఉగాది, రంజాన్ వంటివి ఉన్న నేపథ్యంలో బ్యాంక్ హాలిడేస్ గురించి తెలుసుకుందాం. శనివారం కూడా వస్తుండటంతో లాంగ్ వీకెండ్ వస్తుందని తెలుస్తోంది.

బ్యాంక్ హాలిడేస్ లిస్ట్ ఇదే..

మార్చి 27- గురువారం- షాబ్- ఇ- ఖాద్ర్- జమ్మూకశ్మీర్‌లో బ్యాంకులకు సెలవు ఉంది.

మార్చి 28- శుక్రవారం- జుమాత్- ఉల్- విదా- జమ్మూకశ్మీర్‌లో బ్యాంకులకు హాలిడే ఉంది.

మార్చి 30- ఉగాది- దేశవ్యాప్తంగా బ్యాంకులకు ఈ రోజు హాలిడే ఉంది.

మార్చి 31- రంజాన్ (ఈద్ ఉల్ ఫితుర్) (సోమవారం)- మిజోరం, హిమాచల్ ప్రదేశ్ మినహా అన్ని రాష్ట్రాల్లో బ్యాంకులకు ఈరోజు సెలవు ఉంది. అయితే ఆర్థిక సంవత్సరం చివరి రోజున కాబట్టి.. చాలా వరకు ఈ రోజున బ్యాంకుల్ని తెరిచి ఉంచాలని ఆదేశించినట్లు తెలుస్తోంది. దీనిపై పూర్తి క్లారిటీ రావాల్సి ఉంది.

మార్చి 29 ఐదో శనివారం అయినప్పటికీ ఈ రోజున బ్యాంకు కార్యకలాపాలు ఉంటాయి. ఆరోజు ప్రత్యేకంగా సెలవు ఏమీ లేదు.

అన్ని ప్రాంతాల్లో దాదాపు ఇలాగే ఉందని చెప్పొచ్చు. జమ్మూకశ్మీర్‌లో మాత్రమే మార్చి 27-31 మధ్య 4 రోజులు సెలవులు వస్తున్నాయని చెప్పొచ్చు. ఇక తెలుగు రాష్ట్రాల్లో మార్చి 30, 31న బ్యాంకులు మూసివేసి ఉంటాయి. కానీ ఆర్థిక సంవత్సరం చివరి రోజు కాబట్టి టాక్స్ పేమెంట్లు, ఇన్‌కంటాక్స్, జీఎస్టీ, కస్టమ్స్ అండ్ ఎక్సైజ్ డ్యూటీస్, పెన్షన్ పేమెంట్స్, గవర్న్‌మెంట్ సబ్సిడీస్, జీతాల పంపిణీ, పబ్లిక్ ట్రాన్సాక్షన్స్ వంటివి జరిగే అవకాశాలు ఉంటాయి.

బ్యాంకులకు సెలవు ఉన్నప్పటికీ.. నెట్ బ్యాంకింగ్, మొబైల్ బ్యాంకింగ్ వంటివి పనిచేస్తాయి. వీటిని వినియోగించడంలో ఎలాంటి ఇబ్బంది ఉండదు. ఇంకా.. ఏటీఎం సేవలు, డిపాజిట్ మెషీన్లు కూడా పనిచేస్తాయని చెప్పొచ్చు. కచ్చితంగా బ్యాంకుల్లోనే అయ్యే పనులకు మాత్రం ఆటంకం కలుగుతుంది. ఇంకా మార్చి నెలలోనే.. మనం ఏప్రిల్ నెలలో కూడా బ్యాంకులు