జియోహాట్ స్టార్ కు వంద మిలియన్ల సబ్స్క్రై బర్ లు....

భారతదేశంలో అత్యంత ప్రజాదరణ పొందిన స్ట్రీమింగ్ ప్లాట్ఫామ్ గా తన స్థానాన్ని సుస్థిరం చేసుకునే ఒక అద్భుతమైన విజయంలో భాగంగా జియోహాట్స్టార్ 100 మిలియన్ల సబ్స్క్రైబర్ల సంఖ్యను అధిగమించింది. భారతదేశంలోని విభిన్న ప్రేక్షకులను అర్థం చేసుకోవడంలో , వారికి సేవ చేయడంలో జియోహాట్స్టార్ యొక్క అచంచలమైన నిబద్ధతకు ఈ చారిత్రాత్మక ఘనత ఒక అద్భుతమైన నిదర్శనం. భారతదేశంలో స్ట్రీమింగ్ను విప్లవాత్మకంగా మారుస్తూ , ఎంపిక చేసిన కొద్దిమందికి ప్రీమియం సేవ గా అనే భావనను తొలగిస్తూ  లక్షలాది మందికి రోజువారీ జీవితంలో అంతర్భాగంగా  స్ట్రీమింగ్ ను మార్చింది. ప్రత్యేకమైన ఉచిత-వీక్షణ నమూనా ప్రతిపాదన, ఆలోచనాత్మక సబ్స్క్రిప్షన్ ధరల వ్యూహం మరియు ప్రముఖ టెలికాం ప్రదాతలతో  లోతైన భాగస్వామ్యాలు, లభ్యతను సర్వవ్యాప్తం చేయడంతో పాటుగా  కంటెంట్ను విస్తృతంగా ఎలా ఆస్వాదించాలో చూపుతో  జియోహాట్స్టార్ కొత్త ప్రమాణాలను నిర్దేశించింది. 

ఈ మైలురాయి గురించి జియోస్టార్,  డిజిటల్ - సీఈఓ , కిరణ్ మణి మాట్లాడుతూ, “ప్రపంచ స్థాయి వినోదం అందరికీ అందుబాటులో ఉండాలని మేము ఎల్లప్పుడూ నమ్ముతుంటాము. ఇప్పుడు 100 మిలియన్ల మంది సబ్స్క్రైబర్ల సంఖ్యను దాటడం ఆ నమ్మికకు  నిదర్శనం. ఈ మైలురాయి భారతదేశం యొక్క అపరిమిత సామర్థ్యాన్ని నొక్కి చెప్పడమే కాకుండా, అపూర్వమైన స్థాయిలో కేటగిరీ-ఫస్ట్ అనుభవాలను అందించాలనే  మా నిబద్ధతను మరింతగా వెల్లడిస్తోంది . మేము ఆవిష్కరణలు ,  విస్తరణను కొనసాగిస్తున్న వేళ , స్ట్రీమింగ్ యొక్క భవిష్యత్తును తీర్చిదిద్దడం , అందరికి దానిని చేరువ చేయటం , బిలియన్ స్క్రీన్లకు అనంతమైన అవకాశాలను అందించటం పై మా దృష్టి కొనసాగుతుంది” అని అన్నారు.