పాక్ వెన్నులో 1971 భయం.. కరాచీ ఓడరేవు ఖాళీ
international | Suryaa Desk | Published : Tue, Mar 12, 2019, 08:03 PM
పాకిస్తాన్ది అంతా మేకపోతు గాంభీర్యమేనని మరోసారి తేలిపోయింది. భారత్ ఏ క్షణంలోనైనా తమపై దాడి చేసి, భస్మీపటలం చేస్తుందనే భయంతో దాయాది ముందుజాగ్రత్తలు తీసుకుంటున్నాడు. బాలాకోట్లోని ఉగ్రవాద స్థావరాలపై భారత వాయుసేన దాడులు చేయడం తెలిసిందే. ఈ నేపథ్యంలో పాక్ నావికాదళ స్థావరాలన్నీ ఖాళీగా కనిపిస్తున్నట్లు ‘ది ప్రింట్’ పత్రిక తెలిపింది. ప్రధానమైన కరాచీ ఓడరేవులోని యుద్ధనౌకలు కనిపించడం లేదని, వాటిని ముందుజాగ్రత్తగా సముద్రంలోకి పంపి ఉంటారని రక్షణ నిపుణులు అంచనా వేస్తున్నారు. 1971 నాటి యుద్ధంలో భారత వాయుసేన ఆపరేషన్ ట్రైడెంట్ పేరుతో కరాచీ రేవును నాశనం చేసింది. ఆ నష్టం నుంచి కోలుకోవడానికి పాక్కు దశాబ్దాలు పట్టింది. ఈ నేపథ్యంలో కరాచీలోని యుద్ధనౌకలను కాపాడుకోడానికి సముద్రంలోకి పంపినట్లు భావిస్తున్నారు. కరాచీతోపాటు ఒర్మార, గ్వాదర్ నౌకాశ్రయాల్లోని యుద్ధ ఓడలు కూడా పత్తా లేకుండా పోయాయని, ఉపగ్రహ చిత్రాల ద్వారా తెలుస్తోంది. కీలకమైన నావికా స్థవరాల్లో యుద్ధ నౌకలతోపాటు క్షిపణులు, కాపలా ఓడలు, జలాంతర్గాములు వంటి ఉంటాయి. భారత్ నిజంగానే యుద్ధానికి దిగితే పరిస్థితి మామూలుగా ఉండదనే పాక్ వాటిని తరలించినట్లు భావిస్తున్నారు.
|
|