ఈ పదార్థాలని మిక్సీ పడితే కొత్త మిక్సీ అయినా పాడవుతుంది

టెక్నాలజీ మనకి అన్నీ పనులని ఈజీగా చేసింది. ఇందులో వంట, కిచెన్‌లోని పనులని కూడా ఈజీ చేశాయి. ఇదివరకటి రోజుల్లో అల్లం, జ్యూస్‌లు, మసాలాలు రుబ్బుకోవాలంటే రోలు వాడేవారు. కానీ, ఇప్పుడు గ్రైండర్స్, మిక్సర్స్ వాడుతున్నారు. దీంతో గంటలో అయ్యే పని క్షణాల్లోనే పూర్తవుతుంది. అల్లం, మసాలాలు, జ్యూస్‌లు ఇలాంటి పదార్థాలన్నింటినీ మిక్సీలో పడుతుంటారు. ఇవి సరిగా పనిచేయాలంటే ఏం చేయాలో తెలుసుకోండి.

కార్బోనేటెడ్ డ్రింక్స్

కార్బోనేటెడ్ డ్రింక్స్‌లో ఎక్కువగా కార్బోనేటెడ్ ఉంటుంది. ఈ డ్రింక్స్‌ని బ్లెండర్‌లో వేయడం వల్ల ఒత్తిడి పెరుగుతుంది. నురుగు వస్తుంది. దీంతో ప్రెజర్ పెరిగి పేలుతుంది. కాబట్టి, కార్బోనేటెడ్ డ్రింక్స్‌ని ఎప్పుడు కూడా బ్లెండర్‌లో వేయొద్దు.

స్టార్చ్ కూరగాయలు

బంగాళాదుంపలు, ఇతర పిండి పదార్థాలను కూడా బ్లెండర్‌లో వేయడం మంచిది కాదు. ఎందుకంటే ఆల్రెడీ అందులో ఎక్కువగా స్టార్చ్ ఉంటుంది. మిక్సీ, గ్రైండర్‌లో వేసినప్పుడు అవి మరింత స్టార్చ్‌ని విడుదల చేస్తాయి. దీని వల్ల సరిగా పనిచేయవు. అనుకున్నట్లుగా అవి బ్లెండ్ అవ్వవు.

ఫ్రోజెన్ ఫుడ్స్

స్మూతీలు తయారు చేయడానికి గ్రైండర్స్, బ్లెండర్స్ చాలా మంచివి. కానీ, పండ్లు, బాదం వెన్న వంటి ఫ్రోజెన్ ఫుడ్స్ వాడడం వల్ల బ్లెండర్ కంటైనర్, బ్లేడ్స్ విరిగిపోవచ్చు. ఎందుకంటే, ఎక్కువగా ఫ్రోజెన్ ఫుడ్స్ ఘనపదార్థాలుగా ఉంటాయి. అలాంటి వాటిని బ్లెండర్స్‌లో వేయకపోవడమే మంచిది.

నట్స్, డ్రై ఫుడ్స్

అవకాడో, ఆప్రికాట్స్ వంటి పెద్ద విత్తనాలు ఉన్న పండ్లని ఎప్పుడు కూడా బ్లెండర్స్‌లో వేయొద్దు. ఇలా చేయడం వల్ల పండ్ల విత్తనాలు బ్లేడ్‌లో ఇరుక్కుపోతాయి. బ్లేడ్స్ విరిగిపోయేలా చేస్తాయి. ఇంకా డ్రై ఫుడ్స్‌లో జిగటగా ఉండడం వల్ల అది బ్లేడ్‌కి అంటుకుని సరిగా పనిచేయవు.

వేడివేడివి ఎందుకు వాడొద్దు

బ్లెండర్‌లో వేడి పదార్థాలను వాడొద్దు. వీటిని వల్ల ఆవిరిని ఉత్పత్తి చేస్తాయి. ఇది బ్లెండర్‌పై ప్రెజర్‌ని పెంచుతాయి. దీని వల్ల మిక్సర్ ఆన్ చేయడం వల్ల మూత పగిలిపోవచ్చు. ఈ టైమ్‌లో పేలడం వల్ల మీకు కూడా గాయాలయ్యే అవకాశం ఉంది. కాబట్టి, అలా ఎప్పుడు చేయొద్దు.

ఓవర్ లోడ్ వద్దు

మిక్సీ, గ్రైండర్‌లో ఓవర్‌లోడ్ వద్దు. దీని వల్ల వాటి పనితనం తగ్గే అవకాశం ఉంది. కాబట్టి, కొద్దికొద్దిగా మిక్సీ పట్టండి. దీంతో త్వరగా మిక్సీ జార్స్ పాడవవ్వు. మిక్సీ మోటర్‌పై ఎఫెక్ట్ పడదు. తక్కువ పరిమాణంలోనే ఉంచి మిక్సీ పట్టండి.

మూతపెట్టకుండా మిక్సీ పట్టడం

కొంతమంది కొద్ది పదార్థామే ఉంది కదా అని మూతకూడా పెట్టకుండా మిక్సీ పడతారు. వీటి వల్ల చాలా సమస్యగా ఉంటుంది. ఫుడ్ అంత కూడా బయటికి పడే అవకాశం ఉంది. మనపై కూడా పడుతుంది. చుట్టూ ఉన్న పరిసరాలపై కూడా ఆ ఎఫెక్ట్ పడుతుంది. అదే విధంగా, ఏ పదార్థాలకి ఏ జార్ వాడాలో తెలుసుకుని వాడండి. అంటే కొన్ని జార్స్ మసాలాలకి పనికొస్తే, మరికొన్ని జ్యూస్‌లకి మాత్రమే పనికొస్తాయి. ఇలా వేటికి ఏం ఉపయోగించాలో తెలుసుకుని వాడండి.