యుద్ధం జరగకుండా ఆ దేవుడే ఆపాలి: పాక్ డిఫెన్స్ మినిస్టర్
international | Suryaa Desk | Published : Thu, May 01, 2025, 09:58 AM
భారత్తో పెరుగుతున్న ఉద్రిక్తతలపై పాక్ రక్షణ మంత్రి ఖవాజా ఆసిఫ్ కీలక వ్యాఖ్యలు చేశారు. స్థానిక మీడియాతో మాట్లాడుతూ సమయం గడిచేకొద్దీ యుద్ధం సంభవించే ప్రమాదం పెరుగుతోందని అన్నారు. పలు దేశాలు పరిస్థితిని అదుపులో పెట్టేందుకు ప్రయత్నిస్తున్నప్పటికీ భారత్ స్పందించటం లేదన్నారు. యుద్ధం జరగకుండా ఆ దేవుడే ఆపాలి అని వ్యాఖ్యానించారు. భారత్ దాడికి దిగితే తమ ప్రతీకారం మరింత తీవ్రంగా ఉంటుందని ఆయన హెచ్చరించారు.ఈ విషయంలో ఎటువంటి సందేహం లేదు. అది భారత్ తీసుకునే నిర్ణయంపై ఆధారపడి ఉంది. క్షేత్రస్థాయిలో భారత్ తీవ్రంగా చర్యలు తీసుకుంటోంది. ఇరు దేశాల మధ్య శాంతికి భారత్ అంగీకరించే పరిస్థితులు కనిపించట్లేదు. భారత వైఖరి పట్ల పాక్ గట్టిగానే స్పందిస్తుంది. అది ఊహించలేనిది. ఇరు దేశాల మధ్య సయోధ్యకు ఆ దేవుడే సహకరించాలని కోరుకుంటున్నా’’ అని అన్నారు. ఇదిలా ఉంటే.. పహల్గాం ఉగ్రదాడితో భారత్-పాకిస్థాన్ల మధ్య ఉద్రిక్తతలు నెలకొన్న వేళ ఇరుదేశాల మధ్య సరిహద్దుల్లో అలజడి కొనసాగుతూనే ఉంది. గత కొన్ని రోజులుగా నియంత్రణ రేఖ వెంబడి కవ్వింపు చర్యలకు పాల్పడుతోన్న దాయాది సైన్యం.. వరుసగా ఆరో రోజు దుశ్చర్యను కొనసాగించింది. తాజాగా ఎల్వోసీతో పాటు అంతర్జాతీయ సరిహద్దు వెంబడి కాల్పుల విరమణ ఒప్పందాన్ని ఉల్లంఘించింది.
|
|