పెట్టుబడులే లక్ష్యంగా 2024-29 పాలసీ మార్గదర్శకాలు
Andhra Pradesh Telugu | Suryaa Desk | Published : Fri, May 02, 2025, 11:41 AM
ఇన్ఫర్మేషన్ టెక్నాలజీ రంగంలో పెట్టుబడులను ఆకర్షించడానికి రాష్ట్ర ప్రభుత్వం కృషి చేస్తోంది. ఈమేరకు సెమీ కండక్టర్లు, గ్లోబల్ కెపాసిటీ సెంటర్ల స్థాపనపై వేర్వేరుగా మార్గదర్శకాలు, ప్రోత్సాహకాలను రాష్ట్ర ఐటీ శాఖ గురువారం ప్రకటించింది. ఏపీ సెమీకండక్టర్, ఫ్యాబ్ పాలసీ 2024-29 ప్రకారం మార్గదర్శకాలను రూపొందించింది. ఫ్యాబ్ సెంటర్లలో, సెమీ కండక్టర్ కేంద్రాల్లో పరిశోధన, అభివృద్ధి కోసం, అలాగే మానవ వనరుల అభివృద్ధి, నైపుణ్యాల పెంపుదల కోసం ఇండియా సెమీకండక్టర్ మిషన్ (ఐఎ్సఎం) కింద ప్రత్యేకంగా ప్రోత్సాహకాలను అందిస్తారు. కేంద్ర ప్రభుత్వ మార్గదర్శకాల మేరకు సెమీ కండక్టర్, ఫ్యాబ్ పరిశ్రమలకు 30 శాతం వరకూ పెట్టుబడి సబ్సిడీని ఇస్తారు. ఈ సెంటర్లలో శిక్షణ పొందే యువతకు నెలకు రూ. 10,000 చొప్పున ఆరు నెలల పాటు ఇన్సెటివ్లు అందిస్తారు. రూ. 1,001 కోట్లకు పైబడి రూ. 5 వేల కోట్ల వరకు పెట్టుబడులు పెట్టే సంస్థలను మెగా ప్రాజెక్టులుగా గుర్తిస్తారు. రూ. 5 వేల కోట్లకు పైబడి పెట్టుబడులు పెట్టే సంస్థలను అలా్ట్ర మెగా ప్రాజెక్టులుగా గుర్తిస్తారు. ఈ ప్రాజెక్టుల వారీగా ప్రోత్సాహకాలను అందిస్తారు. ఈమేరకు మార్గదర్శకాలు, ప్రోత్సాహకాలను ప్రకటిస్తూ ఐటీ శాఖ కార్యదర్శి కాటంనేని భాస్కర్ ఉత్తర్వులు జారీ చేశారు.
|
|