రియల్ ఐడీ ఉండలిసిందే
national | Suryaa Desk | Published : Mon, May 05, 2025, 05:03 PM
అమెరికా సంయుక్త రాష్ట్రాల్లో దేశీయ విమానాల్లో ప్రయాణించే వారికి కీలక అప్డేట్ ఇది. ఈ నెల 7వ తేదీ నుంచి ప్రయాణికులు తప్పనిసరిగా 'రియల్ ఐడీ'ని కలిగి ఉండాలని యూఎస్ డిపార్ట్మెంట్ ఆఫ్ హోమ్ల్యాండ్ సెక్యూరిటీ (డీహెచ్ఎస్) స్పష్టం చేసింది. ఈ కొత్త నిబంధన అమల్లోకి వచ్చిన తర్వాత, దేశీయ విమానాశ్రయాల్లో భద్రతా తనిఖీల వద్ద రియల్ ఐడీని చూపించాల్సి ఉంటుంది. ప్రభుత్వాలు జారీ చేసే డ్రైవర్ లైసెన్స్ లేదా స్టేట్ ఐడీ కార్డుపై ప్రత్యేకంగా స్టార్ గుర్తు, ఫ్లాగ్ గుర్తు లేదా ‘ఎన్హాన్స్డ్’ అని మార్క్ చేసి ఉంటే దానిని 'రియల్ ఐడీ'గా పరిగణిస్తారు. డీహెచ్ఎస్ ప్రకారం ఈ రియల్ ఐడీ కేవలం విమాన ప్రయాణాలకే కాకుండా కొన్ని ఎంపిక చేసిన ఫెడరల్ భవనాల్లోకి ప్రవేశించడానికి కూడా ఇది అవసరం అవుతుంది.ఒకవేళ ప్రయాణికులు సమర్పించే స్టేట్ ఐడీ లేదా డ్రైవర్ లైసెన్స్ రియల్ ఐడీ ప్రమాణాలకు అనుగుణంగా లేకపోతే, చెల్లుబాటు అయ్యే పాస్పోర్ట్ వంటి ఇతర ఆమోదిత గుర్తింపు పత్రాన్ని చూపించాల్సి ఉంటుందని ‘న్యూయార్క్ పోస్ట్’ నివేదించింది. రియల్ ఐడీ లేదా దానికి ప్రత్యామ్నాయంగా టీఎస్ఏ (ట్రాన్స్పోర్టేషన్ సెక్యూరిటీ అడ్మినిస్ట్రేషన్) ఆమోదించిన గుర్తింపు కార్డు లేని ప్రయాణికులను సెక్యూరిటీ చెక్పాయింట్ వద్దే నిలిపివేసే అవకాశం ఉందని, అదనపు స్క్రీనింగ్కు కానీ, లేదా ప్రయాణానికి అనుమతి నిరాకరించవచ్చని డీహెచ్ఎస్ తన వెబ్సైట్లో పేర్కొంది.
|
|