కాసుల పంట.. రూ. 10 వేల పొదుపుతో రూ. 12 లక్షలకుపైనే

మ్యూచువల్ ఫండ్స్‌లో సిస్టమాటిక్ ఇన్వెస్ట్‌మెంట్ ప్లాన్ ద్వారా పెట్టుబడి పెట్టేవారికి ఇది నిజంగా శుభవార్త! ఈటీ మ్యూచువల్ ఫండ్స్ నిర్వహించిన విశ్లేషణ ప్రకారం, గత ఐదు సంవత్సరాలలో దాదాపు 13 ఈక్విటీ మ్యూచువల్ ఫండ్లు ఇన్వెస్టర్ల సిప్ సంపదను 1.80 రెట్లకు పైగా పెంచాయి. ఈ కాలంలో పరిశీలించిన మొత్తం ఫండ్ల సంఖ్య 201. మోతీలాల్ ఓస్వాల్ మిడ్‌క్యాప్ ఫండ్ ఇన్వెస్టర్ల సిప్ సంపదను ఏకంగా 2.06 రెట్లు పెంచింది. ఐదు సంవత్సరాల క్రితం నెలకు రూ. 10,000 చొప్పున సిప్ చేసినట్లయితే, ఇప్పుడు దాని విలువ రూ. 12.37 లక్షలకు చేరి ఉండేది. ఈ ఫండ్ అదే కాలంలో 30.25 శాతం ఎక్స్ఐఆర్ఆర్ (ఎక్స్‌టెండెడ్ ఇంటర్నల్ రేట్ ఆఫ్ రిటర్న్) అందించింది.

ఈ జాబితాలో తర్వాతి మూడు స్థానాల్లో స్మాల్ క్యాప్ ఫండ్లు ఉన్నాయి. క్వాంట్ స్మాల్ క్యాప్ ఫండ్, బంధన్ స్మాల్ క్యాప్ ఫండ్, నిప్పన్ ఇండియా స్మాల్ క్యాప్ ఫండ్ గత ఐదు సంవత్సరాలలో సిప్ పెట్టుబడులను వరుసగా 1.96 రెట్లు, 1.92 రెట్లు, 1.87 రెట్లు పెంచాయి. ఈ ఫండ్లు అదే సమయంలో వరుసగా 28.14 శాతం, 27.22 శాతం, 26.07 శాతం ఎక్స్ఐఆర్ఆర్ను అందించాయి.

తర్వాతి మూడు ఫండ్లు పెట్టుబడులను ఒక్కొక్కటి 1.85 రెట్లు పెంచాయి. నిప్పన్ ఇండియా గ్రోత్ ఫండ్, హెచ్‌డీఎఫ్‌సీ మిడ్-క్యాప్ ఆపార్చునిటీస్ ఫండ్, ఎడెల్‌వైజ్ మిడ్ క్యాప్ ఫండ్ గత 5 సంవత్సరాలలో వరుసగా 25.52 శాతం, 25.48 శాతం, 25.45 శాతం XIRRను అందించాయి.

హెచ్‌డీఎఫ్‌సీ మ్యూచువల్ ఫండ్‌కు చెందిన రెండు పథకాలు - హెచ్‌డీఎఫ్‌సీ ఫోకస్డ్ 30 ఫండ్, హెచ్‌డీఎఫ్‌సీ ఫ్లెక్సీ క్యాప్ ఫండ్ - సిప్ పెట్టుబడులను వరుసగా 1.84 రెట్లు, 1.83 రెట్లు పెంచాయి. ఈ పథకాల్లో 5 సంవత్సరాల క్రితం నెలకు రూ. 10,000 సిప్ చేసినట్లయితే, ఇప్పుడు వాటి విలువ వరుసగా రూ. 11.04 లక్షలు, రూ. 10.96 లక్షలు ఉండేది.

నిప్పన్ ఇండియా మల్టీ క్యాప్ ఫండ్ సిప్ పెట్టుబడులను 1.83 రెట్లు పెంచింది. ఈ పథకం నెలవారీ రూ. 10,000 సిప్‌ను రూ. 10.95 లక్షలుగా మార్చింది, దీని XIRR 25.02 శాతం. తర్వాత ఇన్వెస్కో ఇండియా స్మాల్‌క్యాప్ ఫండ్ ఉంది. ఇన్వెస్కో ఇండియా స్మాల్‌క్యాప్ ఫండ్ సిప్ పెట్టుబడులను 1.82 రెట్లు పెంచి, గత ఐదు సంవత్సరాలలో 24.81 శాతం ఎక్స్ఐఆర్ఆర్ను అందించింది.

ఎస్‌బీఐ కాంట్రా ఫండ్, ఇన్వెస్కో ఇండియా మిడ్‌క్యాప్ ఫండ్ గత 5 సంవత్సరాలలో సిప్ పెట్టుబడులను వరుసగా 1.81 రెట్లు, 1.80 రెట్లు పెంచాయి. ఈ పథకాలు అదే కాలంలో వరుసగా 24.66 శాతం, 24.33 శాతంఎక్స్ఐఆర్ఆర్ను అందించాయి. మిగిలిన పథకాలు గత ఐదు సంవత్సరాలలో పెట్టుబడులను 1.18 రెట్లు, 1.78 రెట్ల మధ్య పెంచాయి. ఈ విశ్లేషణలో అన్ని ఈక్విటీ మ్యూచువల్ ఫండ్లను పరిగణనలోకి తీసుకున్నాం. రెగ్యులర్, గ్రోత్ ఆప్షన్‌లను పరిశీలించాం. గత ఐదు సంవత్సరాల సిప్ పనితీరును లెక్కించాం.

గమనిక: ఈ విశ్లేషణ పెట్టుబడి సిఫార్సు కాదు. గత ఐదు సంవత్సరాలలో సిప్ పెట్టుబడులను 1.80 రెట్లకు పైగా పెంచిన ఈక్విటీ మ్యూచువల్ ఫండ్‌లను గుర్తించడానికి మాత్రమే. పెట్టుబడి నిర్ణయాలు తీసుకునే ముందు మీ రిస్క్ సామర్థ్యం, పెట్టుబడి కాలవ్యవధి, లక్ష్యాలను ఎల్లప్పుడూ పరిగణనలోకి తీసుకోవాలి. నిపుణుల సిఫార్సులు, అభిప్రాయాలు వారి వ్యక్తిగతమైనవి. ఇవి ఎకనామిక్ టైమ్స్ అభిప్రాయాలను ప్రతిబింబించవు.