మైనర్లు కూడా పాన్ కార్డ్ తీసుకోవాలి తెలుసా? అప్లికేషన్ ప్రాసెస్ ఇదే!

ఇన్‌కమ్ ట్యాక్స్ విభాగం ఈనెల 8వ తేదీన పాన్ కార్డ్ ప్రాముఖ్యతపై ఓ ప్రత్యేక ఈ-క్యాంపెయిన్ చేపట్టింది. ఈ క్యాంపెయిన్‌లో భాగంగా పాన్ కార్డు గురించిన ఒక ముఖ్యమైన విషయం బహిర్గతమైంది. మైనర్లు (18 సంవత్సరాల వయసు లోపు వారు) కూడా పాన్ కార్డ్ తీసుకోవచ్చు. ఈ విషయం ఇప్పటికీ చాలా మందికి తెలియదనే చెప్పాలి. 18 ఏళ్లు దాటి ఆర్థిక లావాదేవీలు చేసే వారికే పాన్ కార్డు కావాలని భావిస్తారు. కానీ, చిన్న పిల్లలకు సైతం పాన్ కార్డు అవసరమవుతుంది. తల్లిదండ్రలు లేదా సంరక్షులు వారి ప్రతినిధులుగా పాన్ కార్డు కోసం దరఖాస్తు చేయాల్సి ఉంటుంది. దేశంలో నివసించే వారితో పాటు నాన్ రెసిడెంట్ ఇండియన్స్ (NRI) పాన్ కార్డ్ తీసుకోవచ్చు. ఆన్‌లైన్ లో అప్లై చేయవచ్చు.

మైనర్లు పాన్ కార్డ్ ఎలా పొందాలి ?

ట్యాక్స్ నిపుణులు తెలిపిన వివరాలు ప్రకారం.. మైనర్లు స్వయంగా పాన్ కార్డ్ కోసం దరఖాస్తు చేయడం కుదరదు. తల్లిదండ్రులు, సంరక్షకులు లేదా రిప్రెజెంటేటివ్ అసెస్సీలు దరఖాస్తు చేయాల్సి ఉంటుంది. ఆన్‌లైన్, ఆఫ్‌లైన్ రెండు విధాలుగా ఈ ప్రక్రియ ఉంటుంది. పిల్లలు భారత్‌లో నివసిస్తున్నా, NRI అయినా పాన్ కార్డ్ కోసం దరఖాస్తు చేయవచ్చు.

  ఆన్‌లైన్ విధానంలో NSDL అధికారిక వెబ్‌సైట్‌లోకి వెళ్లి సంబంధిత ఫామ్ నింపాలి. అవసరమైన డాక్యుమెంట్లను అప్‌లోడ్ చేయాలి. ఆ ఫామ్స్ ఆఫ్‌లైన్‌ విధానంలో PAN కేంద్రానికి పంపించాలి. మైనర్‌కు జారీ చేసిన పాన్ కార్డ్‌లో వారి ఫోటో, సంతకం ఉండదు. 18 ఏళ్ల వయసు నిండిన తర్వాత, ఫోటో, సంతకంతో కొత్త కార్డ్ కోసం అప్లై చేయాల్సి ఉంటుంది. పాన్ నంబర్ పాతదే కొనసాగుతుంది.

ఫారమ్ 49A తో దరఖాస్తు ఇలా..

NSDL అధికారిక వెబ్‌సైట్‌ https://www.onlineservices.nsdl.com/paam/endUserRegisterContact.html సందర్శించాలి.

న్యూ అప్లికేషన్ ఫామ్‌పై క్లిక్ చేయాలి. PAN టైప్ దగ్గర న్యూ PAN ఇండియన్ సిటిజన్ (ఫారమ్ 49A), కేటగిరీ ఇండివిడ్యువల్ ఎంచుకోవాలి.

మైనర్, తల్లిదండ్రుల వివరాలు, తల్లిదండ్రుల సంతకం అప్‌లోడ్ చేయాలి. ఆ తర్వాత సబ్మిట్ పై క్లిక్ చేస్తే కొత్త వెబ్‌ పేజీలోకి వెళ్తుంది. అందులో రిప్రెజెంటేటివ్ అసెస్సీ (తల్లిదండ్రులు/సంరక్షకులు) వివరాలు నమోదు చేయాలి. మైనర్ ఫొటో, అవసరమైన డాక్యుమెంట్లు అందించాలి.

అవసరమైన ఫీ చెల్లించాలి. ఆ తర్వాత సబ్మిట్ బటన్ పై క్లిక్ చేయాలి. పేమెంట్ విజయవంతమైన తర్వాత అకనాలెడ్జ్మెంట్ నంబర్ వస్తుంది

ఫిజికల్ డాక్యుమెంట్ వెరిఫికేషన్ ఎంచుకున్నట్లియే దరఖాస్తు చేసిన 15 రోజుల్లోగా డాక్యుమెంట్లను NSDL ప్రోటీన్ లేదా UTIITSL అడ్రస్‌కి పంపించాలి.

మైనర్లకు పాన్ కార్డ్ ఆర్థిక లావాదేవీలు నిర్వహించేందుకు ఉపయోగపడుతుంది.