ఈ నూనెలతో ఫ్రై చేస్తే ఏ సమస్యలు రావు

రెగ్యులర్‌గా హెల్దీ ఫుడ్ తీసుకున్నప్పటికీ అప్పుడప్పుడూ క్రంచీగా ఏవైనా తినాలనిపిస్తుంది. మన నాలుక డీప్ ఫ్రైడ్ ఫుడ్స్‌ని కోరుకుంటుంది. అందుకే, అప్పుడప్పుడైనా చాలా మంది బజ్జీలు, పూరీలు, పకోడీలు, సమోసాలు చేసుకుని వారి క్రేవింగ్స్‌ని సాటిస్‌ఫై చేసుకంటారు. అయితే, ఎప్పుడోసారి ఇలా చేసుకుని తినడంలో ఏమాత్రం తప్పులేదని చెబుతున్నారు నిపుణులు. అయితే, వాటిని కూడా హెల్దీ వేలో చేసుకుంటే మరింత మంచిదని చెబుతున్నారు. అంటే మనం ఫ్రై చేసే నూనె హెల్దీగా ఉంటే మరింత మంచిది కదా అని కొన్ని ఆప్షన్స్ ఇస్తున్నారు. ఆ నూనెలతో ఫ్రై చేసి తింటే హెల్త్‌పై అంత ఎఫెక్ట్ ఉండదని చెబుతున్నారు.

డాక్టర్ ప్రకారం

గ్యాస్ట్రోఎంటరాలజిస్ట్ ప్రకారం

ఫేమస్ గ్యాస్ట్రో ఎంటరాలజిస్ట్ డాక్టర్ సౌరభ్ సేథి.. డీప్ ఫ్రైయింగ్ కోసం కొన్ని ఆయిల్స్‌ని సజెస్ట్ చేస్తున్నారు. వీటిని వాడితే గట్ ప్రాబ్లమ్స్ రావని, అప్పుడప్పుడు వాడేందుకు ఇవి సరైనవని సూచిస్తున్నారు. దీని వల్ల జీర్ణ వ్యవస్థపై ఎలాంటి ఎఫెక్ట్ పడదని, ఎలాంటి సమస్యలు రావని చెబుతున్నారు.

సేథి ప్రకారం

డాక్టర్ సేథి నాలుగు నూనెల గురించి చెబుతున్నారు. వాటి స్మోక్ పాయింట్ ఆధారంగా వాటి సామర్థ్యాన్ని అంచనా వేసి కొన్ని నూనెల గురించి చెుతున్నారు. ఇవన్నీ కూడా అధిక స్మోక్ పాయింట్ కలిగి ఉంటాయని, ఎందుకంటే నూనె పొగని ఉత్పత్తి చేసినప్పుడు అది విచ్ఛిన్నమై ఆహార నాణ్యత, పేగు ఆరోగ్యాన్ని ఎఫెక్ట్ చేసే సమ్మేళనాలను విడుదల చేస్తుంది. అలా కాకుండా ఆయన నాలుగు నూనెల గురించి చెబుతున్నారు. అవేంటంటే,

రిఫైండ్ కొబ్బరినూనె

ఈ నూనెలో సంతృప్త కొవ్వులు పుష్కలంగా ఉంటాయి. ఇది దాదాపు 400 డిగ్రీల అధిక స్మోక్ పాయింట్‌ని కలిగి ఉంటుంది. కాబట్టి, దీనిని మనం డీప్ ఫ్రైకి వాడితే ఎలాంటి సమస్యలు ఉండవు. పైగా ఆరోగ్యానికి మంచిది కూడా అని చెబుతున్నారు.

అవకాడో ఆయిల్

అవకాడో నూనె..ఈ నూనె దాదాపు 520 డిగ్రీల ఫారెన్ హీట్ అధిక ధూమపాన బిందువుని కలిగి ఉంటుంది. ఈ నూనె కూడా ఫ్రై చేయడానికి చాలా మంచిది. వీటిని డీప్ ఫ్రై కోసం హ్యాపీగా వాడుకోవచ్చని డాక్టర్ చెబుతున్నారు.

నెయ్యి, క్లారిఫైడ్ బటర్

డాక్టర్ ప్రకారం, నెయ్యి, క్లారిఫైడ్ బటర్ రెండు కూడా 450 డిగ్రీల ఫారెన్ హీట్ అధిక పొగ బిందువుని కలిగి ఉంటుంది. దీనిని వేడి చేసి ఇందులో వండితే ఎక్కువగా ఎఫెక్ట్ ఉండదు. కాబట్టి, ఇది కూడా ఫ్రైకి చాలా మంచిది.

రిఫైండ్ ఆలివ్ ఆయిల్

​ఆలివ్ ఆయిల్ కూడా ఫ్రై చేయడానికి బెస్ట్ ఆయిల్. కానీ, అన్ని రకాల డీప్ ఫ్రైకి ఇది మంచిది కాదు. డాక్టర్ సేథి ప్రకారం రిఫైండ్ ఆలివ్ ఆయిల్‌లో మోనోఅన్‌శాచ్యురేటెడ్ ఫ్యాట్స్ పుష్కలంగా ఉంటాయి. దాదాపు 465 డిగ్రీల ఫారెన్ హీట్ అధిక స్మోక్ పాయింట్ ఉంటుంది. అయితే, ఇందులో గుర్తుంచుకోవాల్సిన మరో విషయం ఏంటంటే ఎక్స్‌ట్రా వర్జిన్ ఆలివ్ ఆయిల్ డీప్ ఫ్రైకి అస్సలు మంచిది కాదు.

సన్‌ఫ్లవర్, సోయాబీన్, కనోలా వంటి సీడ్ ఆయిల్ విషయంలో జాగ్రత్తగా ఉండాలి. వీటిలో పాలీ అన్‌శాచ్యురేటెడ్ ఫ్యాట్స్ ఎక్కువగా ఉంటాయి. అధిక ఉష్ణోగ్రతల వద్ద ఈ నూనెలు ఆక్సీకరణం చెందుతాయి.