మీ పాత బకెట్, మగ్ ను ఇలా క్లీన్ చేస్తే కొత్తవాటిలా మెరుస్తాయ్

బకెట్స్, మగ్స్ రెగ్యులర్‌గా మనం ఇల్లు, బాత్రూమ్స్‌లో వాడుతుంటాం. వాటిని నీటిని పట్టుకోవడానికి వాడుతుంటాం. అయితే, నీటిలో కొన్ని రకాలు ఉంటాయి. వాటి వల్ల ఎలాంటి మరకలు పడవు. కానీ, కొన్ని రకాల నీటిని వాడినప్పుడు అవి బకెట్స్, మగ్స్, బాత్‌రూమ్ ఫ్లోర్స్, నీటి పైప్స్‌పై తెల్లగా ఓ ప్యాచెస్‌లా ఏర్పడతాయి. వీటిని సాధారణంగా క్లీన్ చేసినా పోవు. హార్డ్ వాటర్‌లో ఖనిజాలు, ఉప్పు నిక్షేపాలు ఉంటాయి. ఇవి బకెట్స్, ఇతర వస్తువల రంగు మారడానికి కారణమవుతాయి. వీటిని ఎంత క్లీన్ చేసినా పోవు. ఎవరైనా ఇంటికి వచ్చినప్పుడు మనది మనకే ఏదో ఇబ్బందిగా అనిపిస్తుంది. మరి, అలాంటి మరకల్ని ఈజీగా ఎలా క్లీన్ చేయాలో తెలుసుకోండి.

నిమ్మరసం

నిమ్మరసంలో కొద్దిగా బేకింగ్ సోడా వేసి ఆ పేస్ట్‌ని మరకలు ఉన్న చోట మందంగా రాసి అలానే ఉంచండి. 10 , 15 నిమిషాల తర్వాత స్క్రబ్బర్‌తో క్లీన్ చేస్తే ఈజీగా మరకలు వదులుతాయి. నిమ్మరసాన్ని మరీ ఎక్కువ సేపు ఉంచొద్దని గుర్తుంచుకోండి.

డిష్ వాష్ లిక్విడ్‌తో

ఓ గిన్నెలో 2 టీ స్పూన్ల డిష్ వాషింగ్ వేసి దానిలో కొద్దిగా నీరు కలిపి ముందుగా మరకలు ఉన్న చోట రుద్ది కాసేపు ఉంచండి. ఆ తర్వాత స్పాంజ్‌తో, చేతులకి గ్లౌజ్ వేసుకుని ఒక్కసారి రుద్దండి. మరకలు ఇట్టే వదులుతాయి.

బేకింగ్ సోడా

​బేకింగ్ సోడా కేవలం వంటలకే కాదు. ఇలాంటి క్లీనింగ్స్‌కి చాలా బాగా హెల్ప్ చేస్తుంది. దీనికోసం ఓ గిన్నెలో 3 టేబుల్ స్పూన్ల బేకింగ్ సోడా వేసి తర్వాత దానిలో కొద్దిగా నీరు కలిపి పేస్టులా చేయండి. దీన్ని మరకలు ఉన్నచోట రాయండి. వెంటనే బుడగలుగా పైకి వస్తుంది. కాసేపు ఉంచి వాటిని క్లీన్ చేయండి. చక్కగా మెరుస్తాయి.

వెనిగర్

​వెనిగర్‌ని వాడి ఇంటి పరిసరాలు, జిడ్డు మరకలు, ఇలాంటి మరకల్ని చాలా వరకూ క్లీన్ చేయొచ్చు. దీనికోసం ముందుగా ఓ నీట్‌గా ఉండే క్లాత్‌ని వెనిగర్ కలిపిన నీటిలో నానబెట్టండి. ఆ తర్వాత దాంతో బకెట్స్, మగ్స్, మరకలు ఉన్న చోట తుడవండి. కొన్ని చోట్ల వెనిగర్ కలిపిన నీటిని పోసి కాసేపు ఉంచండి. తర్వాత క్లీన్ చేయండి. మరకలు వదిలి చక్కగా క్లీన్ అవుతాయి.