నేడు మరోసారి అరెస్ట్ కాబడ్డ నందిగం సురేష్
Andhra Pradesh Telugu | Suryaa Desk | Published : Sun, May 18, 2025, 04:02 PM
మాజీ ఎంపీ, వైసీపీ నేత నందిగం సురేష్ను తుళ్లూరు పోలీసులు ఆదివారం అరెస్ట్ చేశారు. నందిగం సురేశ్ అరెస్ట్పై సమాచారం అందుకున్న అతడి భార్య తుళ్లూరు పోలీస్ స్టేషన్కు చేరుకుని.. ఆందోళన చేపట్టింది. తన భర్తను అన్యాయంగా అరెస్ట్ చేశారంటూ ఆమె ఆరోపించింది. తన భర్త నందిగం సురేష్ను వెంటనే జైలు నుంచి విడుదల చేయాలని ఆమె ఈ సందర్భంగా డిమాండ్ చేసింది.అయితే తన భర్త రాజుపై మాజీ ఎంపీ నందిగం సురేశ్ దాడి చేశారంటూ లక్ష్మీ అనే మహిళ తుళ్లూరు పోలీస్ స్టేషన్లో ఫిర్యాదు చేసింది. శనివారం తుళ్లూరు పోలీస్ స్టేషన్ పరిధిలో ఇరువర్గాల మధ్య దాడి చోటు చేసుకుంది. ఈ దాడిలో రాజు అనే వ్యక్తికి గాయాలయ్యాయి. దీంతో అతడిని చికిత్స నిమిత్తం శనివారం రాత్రి మంగళగిరిలోని ఎయిమ్స్ ఆసుపత్రికి తరలించారు.శనివారం రాత్రి ఉద్దండరాయునిపాలెంలోకి వేగంగా కారు దూసుకొచ్చింది. కారు అతివేగంపై డ్రైవర్ను రాజు మందలించారు. అక్కడికి కాసేపటి తర్వాత సురేశ్ అనుచరులు వచ్చి అతడిపై దాడి చేసి.. సురేశ్ ఇంటికి బలవంతంగా తీసుకెళ్లారు. ఆ క్రమంలో అక్కడ మరోసారి సురేశ్, అతడి సోదరుడు ప్రభుదాసు ఇతరులు రాజుపై దాడి చేశారు.గాయాలపాలైన రాజుని కుటుంబ సభ్యులు మంగళగిరి ఎయిమ్స్లో చేర్చారు.అనంతరం రాజు భార్య లక్ష్మీ తుళ్లూరు పోలీసులను ఆశ్రయించింది. దీంతో నందిగం సురేష్పై పోలీసులు కేసు నమోదు చేసి దర్యాప్తు చేపట్టారు. అందులోభాగంగా సురేశ్ సోదరుడు, బంధువుల కోసం పోలీసులు గాలింపు చర్యలు చేపట్టారు.
|
|