ట్రెండింగ్
ఉత్తరప్రదేశ్ లో మరో దేశద్రోహి అరెస్ట్
national | Suryaa Desk | Published : Mon, May 19, 2025, 03:28 PM
పాకిస్థాన్ గూఢచార సంస్థ ఇంటర్-సర్వీసెస్ ఇంటెలిజెన్స్ (ఐఎస్ఐ) కోసం పనిచేస్తున్నాడన్న ఆరోపణలపై ఉత్తరప్రదేశ్ యాంటీ-టెర్రరిజం స్క్వాడ్ (ఏటీఎస్) షెహజాద్ అనే నిందితుడిని మొరాదాబాద్ జిల్లాలో అదుపులోకి తీసుకుంది. రాంపూర్ జిల్లాకు చెందిన షెహజాద్ ఐఎస్ఐ కార్యకలాపాలకు భారత్లో సహకరిస్తున్నట్టు ఏటీఎస్కు పక్కా సమాచారం అందింది. దేశవ్యాప్తంగా పాకిస్థానీ గూఢచార సంస్థల కోసం పనిచేస్తున్న వారిపై కొనసాగుతున్న దాడుల్లో భాగంగానే షెహజాద్ అరెస్ట్ జరిగిందని ఏటీఎస్ వర్గాలు తెలిపాయి. ఇప్పటికే పలువురు సోషల్ మీడియా ఇన్ఫ్లుయెన్సర్లు, యూట్యూబర్లతో సహా అనేక మందిని ఈ ఆరోపణలపై అరెస్ట్ చేసిన విషయం తెలిసిందే.
|
|