బంగ్లాదేశ్లో మహిళపై అత్యాచారానికి పాల్పడ్డ బీఎన్పీ నేత
international | Suryaa Desk | Published : Mon, Jun 30, 2025, 03:24 PM
బంగ్లాదేశ్లో 21 ఏళ్ల హిందూ మహిళపై స్థానిక రాజకీయ నేత అఘాయిత్యానికి పాల్పడిన ఘటన తీవ్ర దుమారం రేపుతోంది. ఈ దారుణానికి నిరసనగా రాజధాని ఢాకాలో యూనివర్సిటీ విద్యార్థులు పెద్ద ఎత్తున ఆందోళనలు చేపట్టడంతో ఉద్రిక్తత నెలకొంది. ఈ కేసులో ప్రధాన నిందితుడైన బంగ్లాదేశ్ నేషనలిస్ట్ పార్టీ (బీఎన్పీ) నేత ఫజోర్ అలీతో సహా మొత్తం ఐదుగురిని పోలీసులు అరెస్ట్ చేశారు.కుమిల్లా జిల్లాలోని రామ్చంద్రపూర్ పచ్కిట్ట గ్రామానికి చెందిన ఫజోర్ అలీ (38) ఈ నెల 26న రాత్రి 10 గంటల సమయంలో ఓ మహిళ ఇంట్లోకి బలవంతంగా చొరబడ్డాడు. బాధితురాలి భర్త దుబాయ్లో ఉద్యోగం చేస్తుండటంతో, ఆమె తన పిల్లలతో కలిసి 'హరి సేవ' పండుగ కోసం పుట్టింటికి వచ్చింది. ఆ సమయంలో ఇంట్లో ఒంటరిగా ఉన్న ఆమె తలుపు తీయడానికి నిరాకరించడంతో నిందితుడు బలవంతంగా లోపలికి ప్రవేశించి అత్యాచారానికి పాల్పడినట్టు బాధితురాలు తన ఫిర్యాదులో పేర్కొంది.ఘటన అనంతరం స్థానికులు ఫజోర్ అలీని పట్టుకుని దేహశుద్ధి చేయగా, వారి నుంచి తప్పించుకుని పారిపోయాడు. బాధితురాలు తర్వాతి రోజున రాతపూర్వకంగా ఫిర్యాదు చేయడంతో మురాద్నగర్ పోలీసులు మహిళలు, చిన్నారుల వేధింపుల నిరోధక చట్టం కింద కేసు నమోదు చేసి దర్యాప్తు ప్రారంభించారు. పరారీలో ఉన్న ఫజోర్ అలీని నిన్న ఉదయం 5 గంటలకు ఢాకాలోని సయదాబాద్ ప్రాంతంలో ప్రత్యేక బృందాలు అరెస్ట్ చేశాయి.
|
|