వర్షాల్లో బట్టలు ఆరకుండా ముతకవాసన వస్తున్నాయా

ఎండాకాలంలో గంటల్లో ఆరిన బట్టలు.. వర్షాకాలంలో రాగానే తగ్గిన ఉష్ణోగ్రతలు, ముసుర్లు, వానల కారణంగా బట్టలు త్వరగా ఆరవు. ఎంతలా ఫ్యాన్స్ కింద వేసినా ఏదో మూలన బట్టలు తడిగానే ఉంటాయి. దీంతో బట్టలు ముతక వాసన వస్తాయి. ఎంత ఫ్యాబ్రిక్ కండీషనర్స్ వాడినా కూడా వీటి నుంచి వాసన మాత్రం తగ్గదు. దీంతో ఆ బట్టలు ఇంట్లో ఉన్నా, ఒంటికి వేసుకున్నా అదోరకమైన గాఢమైన వస్తూ ఇబ్బందిగా అనిపిస్తుంది. ఈ ప్రాబ్లమ్‌ని దూరం చేయాలంటే ఏం చేయాలో తెలుసుకోండి.

ఉతికిన వెంటనే ఆరవేయడం

బట్టల్ని ఈ టైమ్‌లో మెషిన్ వాష్ చేసినా, హ్యాండ్ వాష్ చేసినా కూడా వాటిని అలానే ఉంచొద్దు. వెంటనే నీరు పోయేలా ఆరేయాలి. దీంతో వాసన రాదు. ఎండనే ఉండాల్సిన అవసరం లేదు. కొద్దిపాటి గాలివీచే ప్రదేశంలోనైనా బట్టల్ని ఆరేయండి. దీంతో బట్టలు వాసనలు రావు. ఈ బట్టల్ని బయటనే కాకుండా నీరంతా పోయాక ఇంట్లో ఆరేయడం, ఫ్యాన్ కింద ఆరేయడంతో బట్టలు కాస్తా కూడా తడి లేకుండా ఉంటాయి. కిటికీల దగ్గర ఆరేస్తే బయటి నుంచి వచ్చే గాలితో తడి మొత్తం తగ్గిపోతుంది. ​

బట్టలు ఉతికేటప్పుడు

​బట్టల్ని ఉతికేటప్పుడు నీటిలో కొద్దిగా నిమ్మరసం లేదా, వెనిగర్ లేదా బేకింగ్ సోడా అయినా వేయండి. వీటిని బట్టల్ని సర్ఫ్‌తో పాటు కలిపి నానబటెట్టొచ్చు. లేదా అరకప్పు పరిమాణంలో ఏ నీటిలో అయితే బట్టల్ని తీస్తారో ఆ నీటిలో వెనిగర్, నిమ్మరసం యాడ్ చేయండి. దీంతో బ్యాక్టీరియా, వాసన తగ్గుతుంది. దీంతో బట్టల నుంచి వాసన రాదు.

ఎప్పటికప్పుడు

చాలా మంది వర్షాకాలంలో వర్షాలు వస్తాయని బట్టలు ఎప్పటికప్పుడు కాకుండా ఎండ వచ్చేవరకూ వెయిట్ చేసి ఒకేసారి వాష్ చేస్తుంటారు. దీని వల్లే బట్టలు వాసన వస్తుంటాయి. ఎందుకంటే బట్టలపై ఉన్న చెమట, చర్మ కణాలు, ఇతర శరీర ద్రవాలు విచ్ఛిన్నమయ్యే బ్యాక్టీరియా కారణంగానే వాసన వస్తాయి. అలా కాకుండా ఎప్పటికప్పుడు వాష్ చేయండి. లేదంటే బట్టల్ని గాలి వీచే ప్రదేశంలో తీగపై ఆరేయండి. దీంతో వాసన పట్టవు.

ఐరన్ చేయడం

బట్టలు ఆరిన తర్వాత వాటిని ఐరన్ చేయండి. దీని వల్ల బట్టల్లోని జెర్మ్స్ తగ్గి వాసన, తడి తగ్గుతుంది. దీని వల్ల బట్టలు తాజా మంచి వాసన వస్తుంది. దీని వల్ల బట్టలపై ఉన్న ముడతలు పోతాయి. ఏ మాత్రం తడి ఉన్నా అవి కూడా పోతాయి. బట్టలు చక్కగా ఆరతాయి. కాబట్టి, ఐరన్ చేయడం మంచిది.

బట్టల్ని స్టోర్ చేయడం

అదే విధంగా ఆరిన బట్టల్ని, ఐరన్ చేసిన బట్టల్ని పొడిగా, గాలి వీచే ప్రదేశంలోనే స్టోర్ చేయండి. వీటి వల్ల బట్టలు ఫ్రెష్‌గా ఉంటాయి. వాసన రాకుండా ఉంటాయి. తడిగా ఉన్న ప్రాంతంలో బట్టల్ని స్టోర్ చేస్తే మరింత తడిగా మారి ఎక్కువగా వాసన వస్తాయి. అలా కాకుండా పొడి ప్రదేశంలో స్టోర్ చేయండి.