ట్రెండింగ్
ధవళేశ్వరం బ్యారేజ్ నీరు దిగువకు విడుదల
Andhra Pradesh Telugu | Suryaa Desk | Published : Wed, Jul 09, 2025, 10:49 AM
మహారాష్ట్ర, తెలంగాణలో గోదావరి పరివాహక ప్రాంతాల్లో కురుస్తున్న భారీ వర్షాలకు గోదావరి నది ఉగ్రరూపం దాల్చింది.ఎగువ నుంచి భారీ వరదలు వస్తుండటంతో.. ప్రస్తుతం గోదావరి నదిపై ఉన్న అన్ని ప్రాజెక్టుల గేట్లను ఎత్తిన అధికారులు నీటిని దిగువకు విడుదల చేస్తున్నారు. దీంతో ఆ నదిపై ఉన్న చివరి బ్యారేజ్ అయిన ధవళేశ్వరానికి వరద పోటెత్తింది. దీంతో 175 గేట్లను ఎత్తి పెట్టిన అధికారులు వచ్చిన వరదను వచ్చినట్లు దిగువకు విడుదల చేస్తున్నారు.దీంతో 2,00,600 క్యూసెక్కుల వరద నీరు సముద్రంలోకి పరుగులు తీస్తుంది. ధవళేశ్వరం బ్యారేజ్ దగ్గర నీటి మట్టం 9.90 అడుగులకు చేరింది. ఎగువ నుంచి భారీగా వరద వస్తుండటంతో.. ధవళేశ్వరం బ్యారేజ్ సహా.. వరద నీరు సముద్రంలో కలిసే ప్రాంతంలో మత్స్యకారులు చేపల వేటకు వెళ్లవద్దని అధికారులు ఆదేశించారు.
|
|