ఇంటర్నేషనల్ జావ డే !

ప్రతి సంవత్సరం జూలై రెండవ ఆదివారం ఇంటర్నేషనల్ జావా డే గా జరుపుకుంటారు జావా ప్రేమికులు..అయితే ఈ సంవత్సరం బీటింగ్ హార్ట్స్ జావా క్లబ్ ఆంధ్రప్రదేశ్ వారు  జావా డే సందర్భంగా ప్రజలలో ట్రాఫిక్ నిబంధన పై అవగాహన కలిగిస్తూ ఈ కార్యక్రమాన్ని జరుపుకున్నారు. ఈ బీటింగ్ హార్ట్స్ జావా క్లబ్ ఆంధ్ర ప్రదేశ్ వ్యవస్థాపక అధ్యక్షులు డాక్టర్ ముఖర్జీ దండే ఈ సందర్భంగా మాట్లాడుతూ ప్రజలు పూర్తిగా ట్రాఫిక్ నిబంధనలు పాటించటం పై నిర్లక్ష్యం వహిస్తున్నారని అని చెబుతూ ముఖ్యంగా ఈమధ్య  యువత రోడ్లపై వాహనాలు నడిపేటప్పుడు బైక్ రేసులు, స్టంట్లు చేస్తూ ప్రక్క వాహనాలు దారులకు భయభ్రాంతులకు గురి చేస్తున్నారని తెలియజేశారు.. అంతేకాకుండా ఎటువంటి శిక్షణ లేకుండా రద్దీ రోడ్లపై  ఇటువంటి రేసులు, స్టంట్ లు చేయడం ద్వారా వారికే కాకుండా ప్రక్కవారికి కూడా అది చాలా ప్రమాదకరమని, చిన్నప్పటి నుంచి పిల్లలకి ట్రాఫిక్ నిబంధనలపై అవగాహన తల్లితండ్రులు కలిగించాలని తెలియజేశారు.. అంతేకాకుండా మైనర్లకు వాహనాలు ఇచ్చి రోడ్లపైకి పంపించడం అది చాలా ప్రమాదకరమని పోలీసు వారు కూడా అటువంటి చర్యలపై కఠినమైన నిర్ణయాలు అమలు చేయాలని హెచ్చరించారు..   వాహనం నడిపే ప్రతివారు తప్పనిసరిగా హెల్మెట్ ధరించాలి  అదికూడా పోలీసు వారి చలానాకి భయపడి కాకుండా స్వయ రక్షణ కొరకు హెల్మెట్ ధరించాలి అని తెలియజేశారు అందరూ ట్రాఫిక్ నిబంధనలు పాటిస్తూ సురక్షితంగా గమ్యస్థానాలు చేరాలని ఆకాంక్షిస్తూ ఈ జావాడే సందర్భంగా జావా ప్రేమికులకు శుభాకాంక్షలు తెలిపారు అటు తరువాత జావా రైడర్స్ తో పాటు కలిసి బందర్ రోడ్ లో ఆర్టీవో ఆఫీస్ నుండి బయలుదేరి విజయవాడ నగర రోడ్లపై ర్యాలీ నిర్వహించారు.. ఈ కార్యక్రమంలో జావా రైడర్స్ రామచంద్రరాజు, కిషోర్, మహేష్ మరియు బాబులతో పాటు జావా ప్రేమికులు పలువురు యువత పాల్గొన్నారు..