ట్రెండింగ్
‘ఐఎన్ఎస్ నిస్తార్’ జలప్రవేశం
Andhra Pradesh Telugu | Suryaa Desk | Published : Sat, Jul 19, 2025, 12:37 PM
ఆపదలో చిక్కుకున్న జలాంతర్గాములను రక్షించడానికి ఆధునిక పరిజ్ఞానంతో స్వదేశీయంగా నిర్మించిన ‘ఐఎన్ఎస్ నిస్తార్’ విశాఖపట్నం నేవల్ డాక్యార్డులో శుక్రవారం జలప్రవేశం చేసింది. రక్షణ శాఖ సహాయ మంత్రి సంజయ్ సేథ్ దీన్ని జలప్రవేశం చేయించారు. ఈ సందర్భంగా ఆయన మాట్లాడుతూ.. ఈ నౌకను లోతైన సముద్రంలో సహాయక కార్యకలాపాలు చేపట్టడానికి రూపొందించారన్నారు. ప్రపంచంలో కొన్ని దేశాల వద్దే ఇలాంటి ప్రత్యేక డైవింగ్ టీమ్ కలిగిన సహాయక నౌకలు ఉన్నాయని, అందులో భారత్ కూడా చేరడం గర్వకారణంగా ఉందని చెప్పారు. నౌకాదళం చీఫ్ అడ్మిరల్ దినేశ్ త్రిపాఠి మాట్లాడుతూ.. ఈ డైవింగ్ సహాయక నౌక పొరుగు ప్రాంతాలలో కూడా సబ్మెరైన్ రెస్క్యూ ఆపరేషన్లలో సహాయం అందిస్తుందన్నారు. నౌకా నిర్మాణ రంగంలో భారత్ ఎదుగుదలకు నిస్తార్ ఓ నిదర్శనంలా నిలుస్తుందన్నారు.
|
|