అన్‌వాంటెడ్ హెయిర్‌ని రిమూవ్ చేయకుండానే ముఖాన్ని మెరిపించే బ్లీచ్

సాధారణంగా ప్రతీ చర్మ కూడా ప్రత్యేకమే. ఒక్కో రంగు ఒక్కో అందాన్ని కలిగి ఉంటుంది. కానీ, పర్యావరణ కాలుష్యం, ఎండలో ఎక్కువగా ఉండడం, ఆహారపు అలవాట్లు సరిగా లేకపోవడం, మందులు ఎక్కువగా తీసుకోవడం వల్ల ముఖంపై టాన్ పేరుకుపోయి చర్మంపై సహజ రంగు తగ్గి కాంతిహీనంగా మారుతుంది. దీనిని దూరం చేసి సహజ మెరుపుని అందించేందుకు బ్లీచింగ్ హెల్ప్ చేస్తుంది. స్పా, బ్యూటీ పార్లర్స్‌కి రెగ్యులర్‌గా వెళ్తే అక్కడి ఎక్స్‌పర్ట్స్ బ్లీచ్‌ తర్వాతే మిగతా ట్రీట్‌మెంట్ తీసుకోవాలని సూచిస్తున్నారు. అయితే, బ్లీచ్‌లలో చాలా రకాలు ఉంటాయి. అందులో మార్కెట్‌లో రెడీ టూ యూస్ ఫేషియల్స్ కూడా ఉంటాయి. కానీ, వీటిలో హైడ్రోజెన్ పెరాక్సైడ్ ఉంటుంది. ఇది బ్లీచింగ్ ఏజెంట్‌లా పనిచేస్తుంది. ఈ ప్రోడక్ట్స్ అప్పర్ లిప్, చిన్ భాగాల్లో వెంట్రుకల్ని తేలిగ్గా మార్చి చర్మాన్ని బ్రైట్‌గా చేస్తాయి. అందుకే, బ్లీచ్ వేసుకోవడం మంచిది. అయితే, దీనికోసం పార్లర్స్‌కే వెళ్లాల్సిన అవసరం లేదు. ఇంట్లోనే బ్లీచ్ వేసుకుని మీ చర్మాన్ని మెరిపించొచ్చు.

ఫేషియల్ బ్లీచ్‌తో బెనిఫిట్స్

ఫేషియల్ బ్లీచ్ మన చర్మంపై పేరుకుపోయిన టాన్‌ని తొలగించి చర్మాన్ని కాంతివంతంగా చేస్తుంది. దీని వల్ల ఇన్‌స్టంట్ గ్లో మీ సొంతమవుతుంది. దీనిని వాడడం వల్ల అన్‌వాంటెడ్ హెయిర్ తగ్గదు. కానీ, ఆ అన్‌వాంటెడ్ హెయిర్‌ని బ్రైట్‌గా మార్చి షేవింగ్, థ్రెడ్డింగ్ అవసరం ప్రతీసారి లేకుండా చేస్తుంది. దీన్ని వేసుకోవడం వల్ల నల్ల మచ్చలు తగ్గుతాయి. స్పాట్ లెస్ స్కిన్ మీ సొంతమవుతుంది. అందుకోసం, నేచురల్ బ్లీచ్‌లను ఎలా అప్లై చేయాలో తెలుసుకోండి.

పెరుగు, ఓట్స్

కావాల్సిన పదార్థాలు

2 టీస్పూన్ల పుల్లని పెరుగు

1 టీ స్పూన్ ఓట్స్‌ని గరుకుగా మిక్సీ పట్టాలి.

ఏం చేయాలి

ముందుగా ఓట్స్‌ పౌడర్‌ని ఓ గిన్నెలో వేయాలి.

దీనిలోనే పుల్లని పెరుగు వేసి కలపాలి.

దీనిని ముఖంపై రాసి 15 నిమిషాల పాటు అలానే ఉంచాలి.

తర్వాత మృదువుగా మసాజ్ చేస్తూ నీటితో క్లీన్ చేసుకోవాలి.

ఎలా పనిచేస్తుంది?

​పెరుగులో మాయిశ్చరైజింగ్ గుణాలు ఉన్నాయి. ఇవి స్కిన్‌టోన్‌ని పెంచి డార్క్ సర్కిల్స్‌ని తగ్గిస్తాయి. ఇందులోని లాక్టిక్ యాసిడ్, ఆల్ఫా హైడ్రాక్సీ యాసిడ్ వంటి గుణాలు ట్యాన్‌ని తగ్గిస్తాయి. ఓట్స్‌ నేచురల్ స్క్రబ్‌లా పనిచేస్తుంది. దీని వల్ల పోర్స్ ఓపెన్ అవుతాయి. స్కిన్ ఎక్స్‌ఫోలియేట్ అయి డెడ్ స్కిన్ సెల్స్ దూరమవుతాయి.

నిమ్మ, తేనెతో

కావాల్సిన పదార్థాలు

2 టీస్పూన్ల నిమ్మరసం1 టీస్పూన్ నేచురల్ తేనె

ఏం చేయాలి

ఓ బౌల్‌లో నిమ్మరసం, తేనె వేయాలి. దీనిని చక్కగా కలపాలి. దీనిని ముఖానికి, మెడపై పల్చని మాస్క్‌లా వేయాలి. మరో విధంగా వేయాలంటే కాటన్ బాల్స్‌ని ప్యాక్‌లో ముంచి ముఖం మొత్తానికి పట్టించాలి.

ముఖం మొత్తం ఆరేవరకూ ఉండి. ఆ తర్వాత నీటితో క్లీన్ చేయాలి.

తర్వాత అలానే ఆరనివ్వాలి.

ఎలా పనిచేస్తుంది?

నిమ్మలో అసిడిక్ గుణాలు ఉన్నాయి. ఇది ట్యాన్‌ని తగ్గిస్తాయి. దీని వల్ల ఇన్‌ఫ్లమేషన్ తగ్గుతుంది. ఇందులోని విటమిన్ సి వయసు పెరగడం వల్ల వచ్చే ముడతల్ని తగ్గిస్తాయి. ఇందులోని యాంటీ ఆక్సిడెంట్స్ గుణాలు స్కిన్‌ని బ్రైట్‌గా చేస్తాయి. అదే విధంగా, తేనె డ్యామేజ్డ్ స్కిన్ సెల్స్‌ని రిపేర్ చేస్తాయి. స్కిన్‌ని మాయిశ్చరైజ్ చేస్తాయి. దీని వల్ల స్కిన్ స్మూత్‌గా మారుతుంది.

పసుపు, నారింజ తొక్కల పొడి

కావాల్సిన పదార్థాలు

1 టీస్పూన్ కస్తూరి పసుపు1 టీస్పూన్ నారింజ తొక్కల పొడి

ఏం చేయాలి

ఓ గిన్నెలో కస్తూరి పసుపు, నారింజ తొక్కల పొడి వేసి అందులో కొద్దిగా చల్లని నీరు పోసి కలపాలి. దీనిని ప్యాక్‌లా ముఖంపై రాయండి. ఈ ప్యాక్‌ని పూర్తిగా ఆరనివ్వండి. తర్వాత ముఖాన్ని నీట్‌గా కడగాలి.

ఎలా పనిచేస్తుంది?

కస్తూరి పసుపులో గుణాలు డార్క్ ప్యాచెస్‌ని తగ్గించి నేచురల్‌ గ్లోని మీ సొంతం చేస్తాయి. నారింజ పొడిలో యాంటీ ఆక్సిడెంట్స్, యాంటీ బ్యాక్టీరియల్, యాంటీ మైక్రోబయల్ గుణాలు ఉన్నాయి. ఇవన్నీ స్కిన్‌ని ఆరోగ్యంగా చేసి ట్యాన్‌ని దూరం చేస్తాయి. యాక్నేని తగ్గిస్తాయి. దీంతోపాటు స్కిన్ అందంగా మెరిసేలా చేస్తుంది.