క్రీమ్స్ రాయకుండానే స్కిన్ మెరవాలంటే ఏం తినాలో తెలుసా

మన ఆరోగ్యానికి హెల్దీ ఫుడ్ ఎంత ముఖ్యమో చర్మ ఆరోగ్యాన్ని కాపాడేందుకు కూడా సరైన ఫుడ్స్ అంతే ముఖ్యం. కొన్ని ఫుడ్స్ తీసుకుంటే బాడీ ఎంత హెల్దీగా మారుతుందో.. స్కిన్ కూడా అంతే హెల్దీగా మారుతుంది. ముఖ్యంగా కొల్లాజెన్ బూస్ట్ చేసే ఫుడ్స్‌తో స్కిన్‌ని మెరిపించుకోవచ్చు. చర్మాన్ని ప్రకాశవంతంగా, యవ్వనంగా మార్చేందుకు కొల్లాజెన్ అవసరం. కొల్లాజెన్ అనేది సహజంగానే చర్మంలో ఉత్పత్తి అవుతుంది. కానీ, వయసు పెరిగేకొద్దీ చర్మంలోని కొల్లాజెన్ తగ్గుతుంది. చర్మాన్ని దృఢంగా, యవ్వనంగా, అందంగా మార్చడానికి కొల్లాజెన్ అవసరం. కొల్లాజెన్ లేకపోవడం వల్ల చర్మం కుంగిపోతుంది. అలాంటప్పుడు శరీరానికి తగినంత కొల్లాజెన్ అవసరం. ఈ కొల్లాజెన్ తసుకోవం వల్ల చర్మంపై ముడతలు, గీతలు లేకుండా ఉంటాయి. దీనికోసం ఆయుర్వేద డాక్టర్ మనీషా మిశ్రా కొన్ని ఫుడ్స్‌ని సజెస్ట్ చేస్తున్నారు.

గోటుకోలా

గోటుకోల, మండూకపర్ణి అనేది మనకి ఆయుర్వేద షాపుల్లో దొరుకుతుంది. దీనిని చాలా మంది గుర్తుపడతారు కూడా. దీనిని తీసుకోవడం వల్ల టైప్ 1, టైప్ 3 కొల్లాజెన్ పెరుగుతుంది. దీని వల్ల గాయాలు త్వరగ తగ్గుతాయి. కణజాల పునరత్పత్తికి కూడా మంచిది. రెగ్యులర్‌గా మీరు దీనిని తీసుకోవచ్చు. గోటుకోలాలో ట్రిటెర్పెనాయిడ్స్ అనే సమ్మేళనాలు ఉంటాయి. ఇవి కొల్లాజెన్ ఉత్పత్తిని పెంచుతాయి. దీంతో ముడతలు, గతలు తగ్గుతాయి. అంతేకాదు, రక్తప్రసరణని కూడా మెరుగ్గా చేసి చర్మానికి పోషకాలు, ఆక్సిజన్ అందేలా చేస్తుంది. దీని వల్ల చర్మం స్పీడ్‌గా యాక్నే వంటి గాయాల నుంచి రికవరీ అవుతుంది.

ఉసిరి

ఉసిరిలో విటమిన్ సి పుష్కలంగా ఉంటుంది. వీటిని ఏ విధంగా తీసుకున్నా కూడా కొల్లాజెన్ పెరుగుతుంది. దీనికోసం మీరు ఉసిరికాయల్ని నేరుగా తీసుకోవచ్చు. లేదా కషాయంలా చేసి తాగొచ్చు. జ్యూస్‌లా చేసి తీసుకోవచ్చు. వంటల్లో యాడ్ చేసి కూడా తీసుకోవచ్చు. ఎలా తీసుకున్నా మంచిదే. చాలా మంది ఉసిరి జ్యూస్‌ని రోజూ తీసుకుంటారు. దీనిని మురబ్బా, క్యాండీలా కూడా చేసి తీసుకుంటే చర్మం, జుట్టుకి కూడా ఎంతో మంచిది.

ములేటి

దీనినే లైకోరైస్ అంటారు. ఆయుర్వేద షాపుల్లో ఇప్పుడు చెప్పే మూలికలన్నీ ఈజీగా దొరుకుతాయి. వీటిని తీసుకోవడం వల్ల గాయాలు త్వరగా నయమవుతాయి. రెగ్యులర్‌గా తీసుకుంటే కొల్లాజెన్ పెరిగి స్కిన‌పై యాక్నే, మొటిమలు, మచ్చలు తగ్గుతాయి. ఇది పౌడర్ రూపంలో కూడా దొరుకుతుంది. దీనిని గోరువెచ్చని పాలు, నీటిలో కలిపి తీసుకోవచ్చు.

అశ్వగంధ

ఒత్తిడిని, కార్టిసాల్ హార్మోన్లి తగ్గించడంలో అశ్వగంధ హెల్ప్ చేస్తుంది. కార్టిసాల్ వల్ల కలిగే కొల్లాజెన్ నష్టాన్ని అశ్వగంధ తగ్గిస్తుంది. అశ్వగంధ మనకి పౌడర్, క్యాప్సూల్స్ రూపంలో దొరుకుతుంది. దీనిని ఎలా తీసుకోవాలో మనం ముందుగ నిపుణులని అడిగి ఆ విధంగా తీసుకుంటే చాలా వరకూ సమస్యలు పరిష్కారమవుతాయి. దీని వల్ల చర్మ ఆరోగ్యమే కాదు, ఆరోగ్యానికి కూడా మంచిదని గుర్తుంచుకోండి.

డ్రైఫ్రూట్స్, నట్స్

జింక్, విటమిన్ ఇ ఎక్కువగా ఉండే డ్రైఫ్రూట్స్‌ని మనం రెగ్యులర్‌గా తీసుకుంటే కొల్లాజెన్ ఉత్పత్తి పెరుగుతాయి. వీటిని మనం స్నాక్స్‌లా తీసుకోవచ్చు. లేదంటే ఉదయాన్నే ఏంచక్కా ఓట్స్‌తో కలిపి తీసుకోవచ్చు. స్మూతీలో యాడ్ చేసి కూడా తీసుకోవచ్చు. ఇలా తీసుకుంటే మన బాడీకి వాటిలోని పోషకాలన్నీ అందుతాయి. నిజానికీ డ్రైఫ్రూట్స్, నట్స్‌లో కొల్లాజెన్ ఉందు. కానీ, వీటిని తీసుకోవం వల్ల కొల్లాజెన్ ఉత్పత్తికి అవసరమై పోషకాలు అందుతాయి. ఉదాహారణకి కొన్ని డ్రైఫ్రూట్స్, నట్స్‌లో విటమిన్ సి, జింక్, రాగి కొల్లాజెన్ సంశ్లేషణకి హెల్ప్ చేస్తాయి. వాల్‌నట్స్‌లోని ఒమేగా 3 ఫ్యాటీ యాసిడ్స్, రాులు, కొల్లాజెన్‌ని పెంచుతాయి. బాదంలో విటమిన్ ఇ, హెల్దీ ఫ్యాట్స్ చర్మాన్ని హైడ్రేట్‌గా ఉంచుతాయి. జీడిపప్పులోని జింక్, కాపర్ హెల్దీ ఫ్యాట్స్ కొల్లాజెన్ ప్రొడక్షన్‌ని పెంచుతాయి.

ఆస్పరాగస్

​ఆస్పరాగస్ ఓ మంచి కెమికల్. దీని వల్ల మన చర్మానికి పోషణ అందుతుంది. ఇది స్కిన్‌ని రిపేర్ చేయడమే కాకుండా కొల్లాజెన్ అందిస్తుంది. ఈ కారణంగా స్కిన్ యవ్వనంగా, అందంగా కనిపిస్తుంది. చర్మంపై మచ్చలు, ముడతలు కూడా తగ్గుతాయి. ఆస్పరాగస్‌నే శతావరి అని కూడా అంటారు. దీనిని తీసుకోవడం వల్ల కొల్లాజెన్ ఉత్పత్తికి సాయపడే విటమిన్స్, యాంటీ ఆక్సిడెంట్స అందుతాయి. ఇవి చర్మాన్ని దెబ్బతీసే ఫ్రీ రాడికల్స్‌తో పోరాడతాయి. కొల్లాజెన్ ఉత్పత్తని పెంచడంలో సాయపడతాయి. దీని వల్ల స్కిన అందంగా మారుతుంది. వీటిని మీ డైట్‌లో చేర్చుకుంటే చర్మ ఆరోగ్యం మెరుగ్గా మారుతుంది.

డాక్టర్ ప్రకారం

ఈ మూలికల్ని చూర్ణం చేసి ఉదయాన్నే ఖాళీ కడుపుతో ఓ చెంచా వరకూ తినొచ్చు. అయితే, తినే ముందు మీ దగ్గర్లో ఉన్న నిపుణుల సలహా తీసుకుంటే వారు మీకు ఉండే సమస్యల్నీ బట్టి దేనిని ఎంత పరిమాణంలో తీసుకోవాలో మరేం జాగ్రత్తలు తీసుకోవాలో వివరంగా చెబుతారు.