ఆగస్టులో బ్యాంకుల వరుస సెలవులు – ముందుగా తెలుసుకోండి

మీరు ఆగస్టులో బ్యాంకు పనుల కోసం వెళ్లాలని అనుకుంటున్నారా? అయితే ముందు ఈ నెల బ్యాంకు సెలవుల (August 2025 Bank Holidays) వివరాలు తెలుసుకోండి. ఎందుకంటే ఈసారి ఆగస్టు నెలలో బ్యాంకులకు దాదాపు 15 రోజులు సెలవులు ఉన్నాయి. అంటే మిగతా 15 రోజులే బ్యాంకులు పని చేయబోతున్నాయి. ఈ సెలవుల్లో పండుగలు, ఆదివారాలు, రెండో, నాలుగో శనివారాలు కూడా ఉన్నాయి. అయితే ఈ సెలవులు రాష్ట్రాన్ని బట్టి మారవచ్చు. కాబట్టి మీ బ్యాంకు పనులను ముందుగానే ప్లాన్ చేసుకోండి, అవసరమైన పనులు చేసుకోవడంలో ఇబ్బంది కలగకుండా చూసుకోండి.
*2025 ఆగస్టులో గుర్తించదగిన మూసివేతలు ఇలాఉంటాయి.
ఆగస్టు 3( ఆదివారం) :ఆదివారం- దేశ వ్యాప్తంగా బ్యాంకులకు సాధారణ సెలవు ఉంటుంది.
ఆగస్టు 8 (శుక్రవారం):టెండాంగ్‌లో రమ్ ఫండ్ (సిక్కిం, ఒడిశా) ప్రాంతాల్లో బ్యాంకులకు సెలవు ఉంటుంది. ఈ రెండు రాష్ట్రాల్లో గిరిజన పండుగ జరుపుతారు.
ఆగస్టు 10 ( ఆదివారం):దేశవ్యాప్తంగాగా బ్యాంకులు మూసి ఉంటాయి.
ఆగస్టు 13 ( బుధవారం):దేశ భక్తి దివస్ సందర్భంగా మణిపూర్‌లో రాష్ట్ర స్థాయి పండుగ జరుపుతారు.
ఆగస్టు 15( శుక్రవారం):స్వాతంత్య్ర దినోత్సవం సందర్భంగా బ్యాంకులకు దేశవ్యాప్తంగా సెలవు ఉంటుంది.
ఆగస్టు 16 ( శనివారం):జన్మాష్టమి, పార్సీ నూతన సంవత్సరం కారణంగా గుజరాత్, మధ్య ప్రదేశ్, మిజోరాం, తమిళనాడు, చంఢీగడ్, సిక్కిం, తెలంగాణ, జమ్మూకశ్మీర్, రాజస్థాన్, బిహార్, ఛత్తీస్‌గఢ్, ఝార్ఘండ్, మేఘాలయ, ఏపీలో బ్యాంకులకు సెలవు ఉంటుంది.
ఆగస్టు 17(ఆదివారం) :దేశవ్యాప్తంగా బ్యాంకులకు సెలవు ఉంటుంది.
ఆగస్టు 19( మంగళవారం ) : మహారాజా బీర్ బిక్రమ్ కిషోర్ మాణిక్య బహదూర్ జన్మదినం సందర్భంగా అగర్తల (త్రిపుర)లో బ్యాంకులు మూసి ఉంటాయి.
ఆగస్టు 23( శనివారం):నెలలో వచ్చే నాలుగో శనివారం కారణంగా దేశవ్యాప్తంగా బ్యాంకులకు సెలవు
ఆగస్టు 24 (ఆదివారం) :దేశవ్యాప్తంగా బ్యాంకులకు సాధారణ సెలవు ఉంటుంది.
ఆగస్టు 25( సోమవారం):అసోం రాష్ట్రంలో శ్రీమంత శంకరదేవుని తిరుభావ తిథి కారణంగా బ్యాంకులకు సెలవు.
ఆగస్టు 27( బుధవారం):వినాయక చవితి సందర్భంగా తెలుగు రాష్ట్రాలతో పాటు కర్ణాటక, ఒడిశా, గుజరాత్, తమిళనాడు, గోవా, మహారాష్ట్ర ప్రాంతాల్లో బ్యాంకులకు సెలవు ఉంటుంది.
ఆగస్టు 28(గురువారం):వినాయక చవితి రెండవ రోజు సందర్భంగా భువనేశ్వర్ (ఒడిశా) మరియు పనాజీ (గోవా) ప్రాంతాల్లో బ్యాంకులకు సెలవు
ఆగస్టు 31(ఆదివారం):ఆదివారం కాబట్టి దేశవ్యాప్తంగా బ్యాంకులకు సెలవు ఉంటుంది.
ఈ సెలవుల్లో, చెక్ క్లియరెన్స్, నగదు లావాదేవీలు, బ్యాంకుకు సంబంధించిన ఏదైనా ప్రభుత్వ పని లేదా డీడ్ సమర్పణలో ఆలస్యం జరగవచ్చు. కాబట్టి మీ పనులను ముందే ప్లాన్ చేసుకోవడం మంచిది. సెలవులు ఉన్నప్పటికీ ఆన్‌లైన్ బ్యాంకింగ్, UPI సేవలు, ATMలలో నగదు విత్ డ్రా వంటి వాటిని వినియోగించుకోవచ్చు.