"గిల్ దమ్మున్నోడే!" – సిరీస్‌ గెలుపుతో కేఎల్ రాహుల్ స్ట్రాంగ్ రియాక్షన్

టెస్ట్ క్రికెట్‌కి సంబంధించిన భవిష్యత్తుపై వచ్చిన సందేహాలకు, భారత్-ఇంగ్లండ్ మధ్య జరిగిన ఐదు టెస్టుల సిరీస్‌ బలమైన సమాధానం ఇచ్చిందని టీమిండియా స్టార్ బ్యాటర్ కేఎల్ రాహుల్ అభిప్రాయపడ్డాడు.ఈ సిరీస్ 2-2తో సమమవ్వడంతో పాటు, చివరి టెస్ట్ మ్యాచ్ ఉత్కంఠభరితంగా సాగింది. ఓవర్‌నైట్ స్కోరైన 339/6తో చివరి రోజు ఆట మొదలైన ఇంగ్లండ్ జట్టు 367 పరుగులకే ఆలౌట్ అవడంతో భారత్ 6 పరుగుల తేడాతో సంచలన విజయాన్ని నమోదు చేసింది.మహ్మద్ సిరాజ్ 5/104తో మ్యాచును భారత్‌కు తిప్పిచ్చినప్పటికీ, ప్రసిధ్ కృష్ణ (4/126) మరియు ఆకాష్ దీప్ (1 వికెట్) కూడా కీలక పాత్ర పోషించారు.విజయం అనంతరం అధికారిక బ్రాడ్‌కాస్టర్‌కు ఇచ్చిన ఇంటర్వ్యూలో కేఎల్ రాహుల్ మాట్లాడుతూ, శుభ్‌మన్ గిల్ కెప్టెన్సీపై తన ముద్ర వేసి ప్రశంసల జల్లు కురిపించాడు."టెస్ట్ క్రికెట్ అన్ని ఫార్మాట్ల కంటే ప్రత్యేకం. నేను ఈ గేమ్‌లో ఎన్నో విజయాలను చూశాను – ఛాంపియన్స్ ట్రోఫీ, టీ20 వరల్డ్‌కప్ లాంటి టైటిల్స్ గెలిచాం. కానీ ఈ మ్యాచ్ ఇచ్చిన అనుభూతిని వాటెన్నీ ఇవ్వలేవు," అంటూ తన భావోద్వేగాలను వ్యక్తం చేశాడు రాహుల్.ఇటీవల కాలంలో టెస్ట్ ఫార్మాట్‌పై వస్తున్న అనేక ప్రశ్నలకు ఈ సిరీస్‌ ద్వారా సమాధానం లభించిందని పేర్కొన్నాడు. "ఇరు జట్లు పోటీ పటుత్వాన్ని చూపించాయి. ఈ పోటీతో టెస్ట్ క్రికెట్‌పై ఆసక్తి మరింత పెరుగుతుందని నమ్ముతున్నాను. ఈ సిరీస్ డ్రా అయినా, చరిత్రలో నిలిచిపోతుంది" అని అభిప్రాయపడ్డాడు.రాహుల్ మరో కీలక విషయం షేర్ చేస్తూ – “ఈ సిరీస్‌తో భారత టెస్ట్ క్రికెట్‌లో కొత్త శకం మొదలైంది. విదేశాల్లో సిరీస్‌లు గెలిచే జట్టుగా ఎదుగుతోంది. నేను జట్టులోకి చేరినప్పుడు విరాట్, రోహిత్, అశ్విన్ లేరని గమనించాను. వాళ్ల లేని పరిస్థితుల్లో యువ ఆటగాళ్లకు నా అనుభవాన్ని ఉపయోగించి మార్గదర్శనం చేశాను," అని అన్నాడు.శుభ్‌మన్ గిల్ గురించి మాట్లాడుతూ, “అతను యువ ఆటగాళ్లతో కలిసి జట్టు విజయానికి పాటుపడ్డాడు. తీసుకున్న వ్యూహాత్మక నిర్ణయాలు విజయవంతంగా నిలిచాయి. అతను జట్టును ముందుండి నడిపించే కెప్టెన్‌గా నిరూపించుకున్నాడు. భవిష్యత్‌లో మంచి నాయకుడిగా మరింత మెరుగవుతాడు,” అంటూ ప్రశంసలతో ముంచెత్తాడు.