బెల్లంతో అద్భుత ఆరోగ్య ప్రయోజనాలు
Health beauty | Suryaa Desk | Published : Thu, Aug 07, 2025, 11:23 AM
చక్కెర కంటే బెల్లంతో అనేక ఆరోగ్య ప్రయోజనాలు ఉన్నాయని ఆయుర్వేదం చెబుతోంది. బెల్లం యాంటీఆక్సిడెంట్గా పనిచేస్తుంది. దీంతో పాటు బెల్లంలో కాల్షియం, ఫాస్పరస్, జింక్, మెగ్నీషియం ఉంటాయి. ఇవి శరీరాన్ని రీఛార్జ్ చేస్తాయి. బెల్లం తినడం వల్ల అలసట కూడా తగ్గుతుంది. అధిక రక్తపోటు అదుపులో ఉంటుంది. రక్తహీనత ఉన్నవారు రోజూ కొద్ది మొత్తంలో బెల్లం తింటే హిమోగ్లోబిన్ స్థాయిని పెంచుతుంది.మెంతులతో కలిపి తీసుకుంటే జుట్టు ఆరోగ్యంగా మారి తెల్ల జుట్టు రాకుండా ఉండే అవకాశముంది. గోంద్తో కలిపి తింటే ఎముకల బలాన్ని పెంచి, పాలిచ్చే తల్లులలో చనుబాలు ఉత్పత్తిని పెంచుతుంది. అలీవ్ గింజలతో కలిపి తీసుకుంటే ఫోలికామ్లం, ఐరన్ను శరీరం త్వరగా గ్రహించేందుకు సహాయపడుతుంది. ఇది చర్మంపై ఉన్న పిగ్మెంటేషన్ను కూడా తగ్గిస్తుంది.బెల్లాన్ని నువ్వులతో కలిపి తీసుకుంటే దగ్గు, జలుబు, ఫ్లూ సమస్యలు తగ్గుతాయి. పల్లీలతో కలిపి తింటే శరీర శక్తిని పెంచి ఆకలిని అదుపులో ఉంచుతుంది. పసుపుతో కలిపి తింటే రోగనిరోధక శక్తి మెరుగవుతుంది. శొంఠి పొడితో కలిపి తీసుకుంటే జ్వరం తగ్గడంతో పాటు శరీరంలోని వాపును తగ్గించడంలో సహాయపడుతుంది.
|
|