ఇక ఈ వీసాతో అమెరికాలో ఏళ్లకు ఏళ్లు ఉండలేరు.. టైమ్ లిమిట్ పెట్టేసిన ట్రంప్
international | Suryaa Desk | Published : Sun, Aug 10, 2025, 08:06 PM
అమెరికా అనేది యువతకు ఒక అందమైన కల. అయితే, ఆ పరిస్థితి క్రమంగా మారుతోంది. ఉన్నత విద్య కోసం యూఎస్ వెళ్లాలనుకునే భారతీయ విద్యార్థులకు కొత్త చిక్కులు మొదలయ్యాయి. అంతర్జాతీయ విద్యార్థులు, ఎక్స్ఛేంజ్ విజిటర్స్ వీసాలకు సంబంధించి అమెరికా ప్రభుత్వం మరో కొత్త ప్రతిపాదన సిద్ధం చేసింది. దీని ప్రకారం, విద్యార్థుల వీసా స్టేటస్కు ఇకపై ఒక నిర్దిష్ట కాలపరిమితి (time limit) విధించనున్నారు. ప్రస్తుతం F-1 స్టూడెంట్ వీసాపై, J-1 వీసాపై ఉన్నవారు తమ కోర్సు పూర్తి అయ్యే వరకు ఉండవచ్చు. కానీ, కొత్త నిబంధన అమలులోకి వస్తే, విద్యార్థులు తమ కోర్సు పూర్తి కాకముందే, వీసా పొడిగింపు కోసం దరఖాస్తు చేసుకోవాల్సి ఉంటుంది. కోర్సులు పొడిగించినప్పుడు, ప్రాజెక్టులు పూర్తి కావడానికి ఎక్కువ సమయం పట్టినప్పుడు ఈ నిబంధనలు పెద్ద సమస్యగా మారతాయి. అయితే, ఫేక్ కన్సల్టెన్సీల మోసాలకు చెక్ పెట్టేందుకే ఈ నిబంధన తీసుకొస్తున్నట్లు అమెరికా చెబుతోంది.
|
|