"దూకుడే కోహ్లీని గ్రేట్ ప్లేయర్‌ చేశింది!" - శ్రీశాంత్‌ సంచలనం

కోహ్లీ దూకుడే అతడి విజయానికి తోడ్పడిందని టీమ్‌ఇండియా మాజీ వేగం బౌలర్‌ శ్రీశాంత్‌ అభిప్రాయపడ్డాడు.
"కొంతమంది విరాట్‌ కోహ్లీని దూకుడు స్వభావం కలవాడిగా చెబుతారు. కానీ, నేను మాత్రం దాన్ని క్రికెట్‌పై అతడికున్న అంకితభావంగా చూస్తాను," అని టీమ్‌ఇండియా మాజీ పేసర్‌ శ్రీశాంత్‌ అన్నారు."అతడు నిజంగా ఆగ్రెసివ్ కాడు. ఆటలో పూర్తిగా లీనమై ఉండే వ్యక్తి. అతడి ఆ ఉత్సాహమే కోహ్లీ ప్రత్యేకత. ఒకవేళ ఆ దూకుడు తగ్గితే, తన సహజ ఆటతీరు కోల్పోతాడు. ఇది అహంకారం కాదు.. క్రికెట్‌పట్ల అతడికున్న ప్రేమ," అని ఆయన పేర్కొన్నారు.ఇక తాజాగా విరాట్‌ కోహ్లీ.. టీ20 మరియు టెస్ట్‌ ఫార్మాట్ల నుంచి రిటైర్మెంట్ ప్రకటించాడు. ప్రస్తుతం అతడు వన్డే క్రికెట్‌లో మాత్రమే కొనసాగుతున్నాడు. కోహ్లీ చివరిసారిగా ఐసీసీ ఛాంపియన్స్‌ ట్రోఫీలో న్యూజిలాండ్‌తో జరిగిన మ్యాచ్‌లో పాల్గొన్నారు. అయితే, వన్డేల్లోనూ అతడి భవిష్యత్తుపై అనిశ్చితి నెలకొంది.త్వరలో ఆస్ట్రేలియాతో జరగనున్న వన్డే సిరీస్‌ అతడి ఫైనల్‌ సిరీస్‌ కావొచ్చన్న ఊహాగానాలు వినిపిస్తున్నాయి. అయినప్పటికీ, అభిమానులు మాత్రం 2027 వరల్డ్‌ కప్‌ వరకు కోహ్లీ ఆడాలని కోరుకుంటున్నారు.
*విరాట్‌ కోహ్లీ ఇప్పటి వరకు
123 టెస్టులు ఆడి 9,230 పరుగులు చేశాడు. ఇందులో 30 సెంచరీలు, 31 హాఫ్‌ సెంచరీలు ఉన్నాయి.అతడి టెస్టుల్లో అత్యధిక స్కోర్‌ *254 (నాటౌట్)**.
*125 టీ20 మ్యాచుల్లో 4,188 పరుగులు చేసిన కోహ్లీ, ఇందులో 1 శతకం, 38 అర్ధ శతకాలు సాధించాడు. అతడి అత్యధిక టీ20 స్కోర్‌ 122*.
*వన్డేల్లో 302 మ్యాచ్‌లలో భారత్‌కు ప్రాతినిధ్యం వహించి, 14,181 పరుగులు చేశాడు. ఇందులో 51 శతకాలు, 74 హాఫ్‌ సెంచరీలు ఉన్నాయి.వన్డేల్లో అతడి అత్యధిక స్కోర్‌ 183 పరుగులు.