ట్రెండింగ్
ప్రభుత్వ నిధుల దుర్వినియోగం కేసు.. శ్రీలంక మాజీ అధ్యక్షుడు రణిల్ విక్రమసింఘే అరెస్ట్
Andhra Pradesh Telugu | Suryaa Desk | Published : Fri, Aug 22, 2025, 03:56 PM
శ్రీలంక మాజీ అధ్యక్షుడు రణిల్ విక్రమసింఘే ప్రభుత్వం నిధులను దుర్వినియోగం చేసిన కేసులో చిక్కుకున్నారు. ఆయన తన అధికార కాలంలో అధికారాన్ని దుర్వినియోగం చేసి ప్రభుత్వ ఖర్చుతో వ్యక్తిగత ప్రయాణాలు చేసినట్టు ఆరోపణలు ఎదుర్కొంటున్నారు.
సీఐడీ వెల్లడించిన వివరాల ప్రకారం, లండన్లో తన భార్య ప్రొఫెసర్ మైత్రీ విక్రమసింఘే స్నాతకోత్సవ కార్యక్రమంలో పాల్గొనడానికి ప్రభుత్వ ఖజానా నుంచి నిధులు వినియోగించినట్లు రణిల్ పై ఆరోపణలు ఉన్నాయి.
ఈ వ్యవహారంపై శుక్రవారం సీఐడీ అధికారులు రణిల్ను విచారణకు పిలిపించారు. విచారణ అనంతరం ఆయనను అరెస్ట్ చేసినట్లు సీఐడీ అధికారికంగా ప్రకటించింది.
తగిన ఆధారాలతో పాటు పూర్తిగా పరిశీలించిన తరువాతే అరెస్ట్ చేశామని, దీనిపై మరింత దర్యాప్తు కొనసాగుతుందని అధికారులు తెలిపారు. ఈ ఘటన శ్రీలంక రాజకీయాల్లో సంచలనం రేపింది.
|
|