తిరుపతి వెళ్లే భక్తులకు అలర్ట్..! కొత్త పోలీస్ నియమాలు మీకు తెలిస్తే మంచిది!

తిరుపతికి వచ్చే సందర్శకులకు మరోసారి అలర్ట్ ఇచ్చిన పోలీసు శాఖ
పౌరుల భద్రతను మరింత బలోపేతం చేయడం లక్ష్యంగా తిరుపతి పోలీసులు నగరంలో కొత్త భద్రతా వ్యవస్థను ప్రారంభించారు. ఇకపై నగరానికి వచ్చే సందర్శకుల వివరాలను నమోదు చేయనున్నట్టు ప్రకటించారు.ఈ సమాచారం police శాఖ రూపొందించిన ప్రత్యేక డేటాబేస్‌కు అనుసంధానమవుతుంది. కాబట్టి తిరుపతి వెళ్లే ప్రజలు ఈ కొత్త విధానంపై అవగాహన కలిగి ఉండడం అవసరం. ఈ వ్యవస్థ వివరాలను తిరుపతి ఎస్పీ హర్షవర్ధన్ రాజు సోమవారం మీడియాతో పంచుకున్నారు.
*సీవీఐఆర్ఎంఎస్ – నగర భద్రత కోసం కొత్త ముందడుగు పోలీసులు “సిటీ విజిటర్స్ ఇన్ఫర్మేషన్ రికార్డ్ మేనేజ్మెంట్ సిస్టమ్” (CVIRMS) పేరిట ఈ కొత్త భద్రతా పద్ధతిని అమలు చేస్తున్నారు. నగరంలో నేరాలను అరికట్టడం, అనుమానాస్పద వ్యక్తులపై వేగంగా గుర్తింపు సాధించడం ఈ విధాన లక్ష్యం.హోటళ్లలో బసచేసే సందర్శకుల వివరాలు – ముఖ్యంగా ఆధార్ వంటి గుర్తింపు పత్రాలతో – హోటల్ యాజమానులు నమోదు చేయాల్సి ఉంటుంది. ఆ డేటా వెంటనే పోలీస్ విభాగానికి అందుబాటులోకి వస్తుంది.ఇలా చరిత్ర కలిగిన నేరస్థులు లేదా అనుమానాస్పద వ్యక్తులు నగరంలోకి ప్రవేశించినట్లయితే, పోలీసులు తక్షణమే అలర్ట్ అవుతారు.
*ఇప్పటివరకు అమలు ఎలా జరిగింది?
ఇప్పటికే తిరుపతిలోని 644 హోటల్స్, హోమ్ స్టేలు, లాడ్జీలు ఈ సిస్టమ్‌లో భాగమయ్యాయి. ఇతర జిల్లాలు మరియు రాష్ట్రాల నుంచి వచ్చే సందర్శకుల సమాచారాన్ని హోటళ్లు ఈ-పోర్టల్ ద్వారా నమోదు చేస్తాయి.ఇది అసాంఘిక కార్యకలాపాలను అరికట్టడంలో, అలాగే నేర విచారణల్లో కీలక సహాయంగా పనిచేస్తుందని ఎస్పీ పేర్కొన్నారు.
*అదనపు భద్రతా అంశాలు
-హోటల్ యజమానులకు కూడా ఈ విధానం సేఫ్టీ గ్యారంటీ ఇస్తుంది.
-ఈ విధానాన్ని మూడు నెలలుగా ప్రమాద రహితంగా అభ్యాసించి, నగరంలో అమలుచేస్తున్నట్టు ఎస్పీ తెలిపారు.
-త్వరలో "ఐ కాంటాక్ట్ డీటెయిల్స్" కూడా నమోదు చేసే విధానాన్ని ప్రవేశపెట్టనున్నట్టు చెప్పారు.
-తరువాత దశలో ఈ విధానాన్ని శ్రీకాళహస్తి వంటి ప్రాంతాల్లో కూడా విస్తరించనున్నారు.
-ఫేక్ ఐడీలు, బోగస్ అడ్రస్‌లు ఉపయోగించి నకిలీ పద్ధతుల్లో బస చేసేవారిపై కూడా ఇది అడ్డుకట్ట వేస్తుంది.