ఆస్ట్రేలియా మాజీ కెప్టెన్ మైకేల్ క్లార్క్ కు క్యాన్సర్
sports | Suryaa Desk | Published : Wed, Aug 27, 2025, 11:51 AM
ఆస్ట్రేలియా మాజీ కెప్టెన్ మైకేల్ క్లార్క్ క్యాన్సర్తో బాధపడుతున్నట్లు తాజాగా వెల్లడించారు. దీంతో క్రికెట్ అభిమానులు షాక్కు గురయ్యారు. 'ప్రస్తుతం నేను స్కిన్ క్యాన్సర్తో పోరాడుతున్నా. ట్రీట్మెంట్లో భాగంగా వైద్యులు నా ముక్కు వద్ద కొంత చర్మాన్ని కట్ చేశారు. చికిత్స కంటే నివారణ మేలు. కానీ నా విషయంలో రెగ్యులర్ చెకప్స్ కీలకం' అంటూ ఆయన Xలో పోస్ట్ చేశారు."స్కిన్ క్యాన్సర్ అనేది నిజం! ముఖ్యంగా ఆస్ట్రేలియాలో ఇది చాలా తీవ్రమైన సమస్య. ఈ రోజు నా ముక్కుపై ఉన్న మరో క్యాన్సర్ గడ్డను తొలగించారు. మీరందరూ క్రమం తప్పకుండా చర్మ పరీక్షలు చేయించుకోవాలని గుర్తు చేస్తున్నాను. నివారణ అనేది చికిత్స కంటే ఉత్తమమైనది. నా విషయంలో రెగ్యులర్ చెకప్లు, ముందుగా గుర్తించడమే నన్ను కాపాడుతోంది. నా డాక్టర్ బిష్ సోలిమన్ దీన్ని ముందుగానే గుర్తించినందుకు కృతజ్ఞతలు" అని క్లార్క్ తన ఇన్స్టాగ్రామ్ పేజీలో రాసుకొచ్చాడు.
తన సొగసైన బ్యాటింగ్, అద్భుతమైన కెప్టెన్సీతో ఆస్ట్రేలియాకు ఎన్నో విజయాలు అందించిన క్లార్క్ 2004 నుంచి 2015 వరకు అంతర్జాతీయ క్రికెట్లో కొనసాగాడు. అతడి కెప్టెన్సీలోనే ఆస్ట్రేలియా 2013-14 యాషెస్ సిరీస్ను 5-0తో కైవసం చేసుకోవడమే కాకుండా 2015లో వన్డే ప్రపంచ కప్ను కూడా గెలుచుకుంది.
|
|