ట్రెండింగ్
IMF ఎగ్జిక్యూటివ్ డైరెక్టర్గా ఉర్జిత్ పటేల్
business | Suryaa Desk | Published : Fri, Aug 29, 2025, 02:34 PM
అంతర్జాతీయ ద్రవ్య నిధి(IMF) డైరెక్టర్గా ఆర్బీఐ మాజీ గవర్నర్ ఉర్జిత్ పటేల్ నియమితులయ్యారు. మూడేళ్లపాటు ఉర్జిత్ పటేల్ ఈ పదవిలో కొనసాగుతారు. కాగా ఉర్జిత్ 2016-18 మధ్య ఆర్బీఐ గవర్నర్గా పనిచేశారు.గత కొన్నేళ్లుగా పటేల్ పబ్లిక్ పాలసీ, ఆర్థిక సంస్థలు, మరియు విద్యా విభాగాల్లో విస్తృతమైన అనుభవం పొందారు. ఏషియన్ ఇన్ఫ్రాస్ట్రక్చర్ ఇన్వెస్ట్మెంట్ బ్యాంక్ (ఏఐఐబీ)లో ఇన్వెస్ట్మెంట్ ఆపరేషన్స్ వైస్ ప్రెసిడెంట్గా, అలాగే రిలయన్స్ ఇండస్ట్రీస్, ఇన్ఫ్రాస్ట్రక్చర్ డెవలప్మెంట్ ఫైనాన్స్ కంపెనీ (ఐడీఎఫ్సీ)లలో కీలక బాధ్యతలు నిర్వర్తించారు. నేషనల్ ఇన్స్టిట్యూట్ ఆఫ్ పబ్లిక్ ఫైనాన్స్ అండ్ పాలసీకి అధ్యక్షత వహించి, బ్రూకింగ్స్ ఇన్స్టిట్యూషన్లో సీనియర్ ఫెలోగా కూడా పనిచేశారు.
|
|